ખુશખબર / તૈયાર રહેજો! ચાલુ વર્ષમાં 45000 ફ્રેશર્સને મળશે નોકરી, દિગ્ગજ કંપનીની જાહેરાતથી યુવાનો જોશમાં

• યુવાનો માટે મોટા સમાચાર 
• દેશની બીજી સૌથી મોટી કંપની ઈન્ફોસિસની જાહેરાત
• ચાલુ વર્ષમાં  45000 ફ્રેશર્સની ભરતી કરશે 

દેશની બીજી સૌથી મોટી આઈટી કંપની ઈન્ફોસિસે ચાલુ વર્ષમાં જ 45000 ફ્રેશર્સની ભરતી કરવાની જાહેરાત કરી દેતા યુવાનો જોશમાં આવ્યાં છે. 

ઈન્ફોસિસના સીઓઓ પ્રવીણ રાયનું નિવેદન 

ઈન્ફોસિસના સીઓઓ પ્રવીણ રાયે જણાવ્યું કે માર્કેટમાં તમામ સંભાવનાનો ફાયદો ઉઠાવવા માટે અમે ચાલુ વર્ષે કોલેજ ગ્રેજ્યુએટ હાયરિંગ પ્રોગ્રામને વધારીને 45,000 સુધી લઈ જઈશું. તે ઉપરાંત અમે અમારા કર્મચારીઓને હેલ્થ અને વેલનેસ ઉપાયો, રિસ્કિલિંગ પ્રોગ્રામ અને કેરિયર ગ્રોથ સહિતની બીજી જરુરિયાતોનું પણ ધ્યાન રાખીશું. 

ઈન્ફોસિસ ક્યારે ફ્રેશર્સની ભરતી કરશે
કંપનીની જાહેરાત અનુસાર ચાલુ વર્ષમાં જ 45,000 નવોદિતની ભરતી કરી લેવામાં આવશે જોકે તેને માટે કોઈ ચોક્કસ સમય જણાવાયો નથી. ફક્ત ચાલુ વર્ષમાં એટલું જ કહેવાયું છે.

ઇન્ફોસિસે  નાણાકીય પરિણામો જાહેર કર્યા

ઇન્ફોસિસે બુધવારે ચાલુ નાણાકીય વર્ષ (2021-22)ના બીજા ત્રિમાસિક ગાળા માટે તેના નાણાકીય પરિણામો જાહેર કર્યા. ચાલુ નાણાકીય વર્ષ નાં સપ્ટેમ્બરમાં પૂરા થયેલા બીજા ક્વાર્ટરમાં કંપનીનો કોન્સોલિડેટેડ ચોખ્ખો નફો 11.9 ટકા વધીને રૂ.5,421 કરોડ થયો હતો. જેના કારણે કંપનીએ અગાઉના નાણાકીય વર્ષના સમાન ત્રિમાસિક ગાળામાં રૂ.4,845 કરોડનો ચોખ્ખો નફો મેળવ્યો હતો.