CoWinમાં જોડાયેલા આ નવા APIને KYC-VSએટલે કે Know Your Customer/Client Vaccination Statusનું નામ અપાયું છે. તેની મદદથી અન્ય કોઈ પણ વ્યક્તિનું વેક્સીનેશન સ્ટેટસ જાણી શકાશે.
સ્વાસ્થ્ય મંત્રાલયે લોન્ચ કર્યું નવું ફીચર
CoWinમાં જોડાયું નવું ફીચર
કોઈ પણ વ્યક્તિના વેક્સીનેશનની આપશે માહિતિ
દેશમાં CoWin એપની મદદથી કોરોનાની રસી આપવામાં આવી રહી છે. આ સિવાય વેક્સીનેશન સેન્ટર પર વોક ઈનની સુવિધા પણ મળી રહી છે. વેક્સીનેશન બાદ સર્ટિફિકેટ મેળવવા માટે કોવિન હોવું જરૂરી છે. કોવિનના ઉપયોગથી દેશમાં કરોડો લોકોએ વેક્સીન લીધી છે. સ્વાસ્થ્ય મંત્રાલયે પોતાના આ એપને અપગ્રેડ કરી દીધું છે. કોવિનમાં એક નવું સોફ્ટવેર ઈન્ટરફેસ લોન્ચ કર્યું છે જેની મદદથી કોઈ પણ સંસ્થા, સંગઠન, સ્ટોર વગેરે પોતાના કર્મચારીઓ, ગ્રાહકો અને અન્ય લોકોના વેક્સીનેશનની જાણકારી આપશે.
વેક્સીનેશન સ્ટેટસ જાણવા માટેની આ છે રીત
વેક્સીનેશન સ્ટેટસ જોવા માટે હજુ પણ ઉપયોગમાં લેવાયેલી કેટલીક રીતોમાં આ APIની મદદથી સરળતાથી જાણી શકાય છે કે કોઈ વ્યક્તિએ વેક્સીન લીધી છે કે નહીં. ઉલ્લેખનીય છે કે હજુ પણ લોકોને વેક્સીનેશન સ્ટેટસ બતાવવા માટે કોવિન પર જઈને સર્ટિફિકેટ ડાઉનલોડ કરીને બતાવવું પડે છે. નવા અપડેટ બાદ લોકોએ નામ અને ફોન નંબરની મદદથી જ આ કામ કરવાનું રહેશે. એપ તમારા વેક્સીનેશનની માહિતી આપી દેશે.
આ જગ્યાઓએ મદદરૂપ રહેશે CoWinનું નવું ફીચર
કોવિનમાં જોડાયેલા આ નવા APIને KYC-VS એટલે કે Know Your Customer/Client Vaccination Statusનું નામ આપવામાં આવ્યું છે. કોવિન પર કર્મચારી કે ગ્રાહકનું નામ અને મોબાઈલ નંબર લખાશે. આ પછી એક ઓટીપી મળશે. આ પછી તે વ્યક્તિનું વેક્સીનેશન સ્ટેટસ જાણી શકાશે. સ્ટેટસમાં 3 જવાબ આવશે. વ્યક્તિનું વેક્સીનેશન નથી થયું, આંશિક વેક્સીનેશન એટલે કે એક ડોઝ લીધો છે અને પૂરી રીતે વેક્સીનેશન થઈ ચૂક્યું છે.
આ વાતનું રખાયું છે ધ્યાન
સ્વાસ્થ્ય મંત્રાલયે કહ્યું કે આ એપીઆઈના આધારે લોકોની પ્રાઈવસીનું પણ ધ્યાન રખાયું છે. KYC-VSનો સૌથી મોટો ફાયદો રેલ્વે સ્ટેશન, એરપોર્ટ, મોલ, ઓફિસ, ફેક્ટરીઓને થશે. આ એપની મદદથી તેઓ સરળતાથી દરેકના વેક્સીનેશન સ્ટેટસને વિશે જાણી શકશે.