મધ્ય પ્રદેશના ઈન્દોરનો એક અજીબો ગરીબ કેસ સામે આવ્યો છે. હકિકતમાં એક પરિવારે ફરિયાદ નોંધાવી છે કે તેમની દીકરી ઘરમાંથી રહસ્યમય રીતે ગાયબ છે. તેનો કોઈ સંપર્ક નથી થઈ રહ્યો. મલ્હારગંજ પોલીસ સ્ટેશનમાં અપહરણનો કેસ નોંધાયો છે. કિશોરની મોટા ભાગે પબ્જી રમતી હતી. થોડાક સમય પહેલા તેણે એવું પણ કહ્યું હતુ કે મિત્રનો જન્મદિન છે અને તેને પંજાબ જવુ છે. પરંતુ પરિવારે ના પાડી દિધી હતી. જેથી પરિવારને તે પંજાબ ગઈ હોવાની શંકા છે.
કિશોરની મોટા ભાગે પબ્જી રમતી હતી
પોલીસે ટેક્નિકલ તપાસ કરતા કિશોરનું લોકેશન પંજાબ આવ્યું
ગેમ દરમિયાન કિશોરની પંજાબના યુવક સાથે મુલાકાત થઈ હતી
પરિવારની શંકા પર પોલીસે ટેક્નિકલ તપાસ કરતા કિશોરનું લોકેશન પંજાબ આવ્યું છે. પોલીસે લોકેશન ટ્રેસ કરી પંજાબના અમૃતસરમાં રેડ પાડી તો સગીર યુવકના ઘરમાં કિશોરી મળી આવી હતી. બન્ને ઈન્દોર લાવવામાં આવ્યા હતા. કિશોરીએ તેની સાથે કોઈ પણ અનઈચ્છનીય ઘટના બન્યાથી ઈન્કાર કરી દીધો હતો. સાથે તેણે જણાવ્યું કે તે દોઢ વર્ષથી પબ્જી પાર્ટનર છે.
સગીરાએ પોલીસને જણાવ્યું કે ગેમ દરમિયાન બન્નેની મુલાકાત થઈ હતી 9 સપ્ટેમ્બરે યુવકનો જન્મદિન હતો. જેથી ફ્લાઈટથી મુંબઈ પહોંચી ગઈ હતી. યુવકની અપહરણના કેસમાં ધરપકડ કરવામાં આવી છે. જોકે તેને કોર્ટમાં જામીન મળી ગયા છે. સગીરાને પરિવારને સોંપવામાં આવી છે.