દુખદ / VIDEO : જિમમાં કસરત કરતી વખતે હોટલ માલિકનું હાર્ટએટેકથી મોત, ઘટના સીસીટીવીમાં રેકોર્ડ થઈ

• ઈન્દોરના જિમનો એક વીડિયો વાયરલ
• કસરત કરતા આવ્યો હાર્ટએટેક
• ચક્કર ખાઈને ઢળી પડ્યાં, મોત 

આજકાલ ચાલુ કાર્યક્રમોમાં કે બીજા કોઈ પ્રસંગોએ હાર્ટએટેકને કારણે મોતની ઘટનાઓ વધી રહી છે. મધ્યપ્રદેશના ઈન્દોરમાં પણ આવી જ એક ઘટના બની છે. 

ઈન્દોરના જિમનો વીડિયો વાયરલ 
ઈન્દોરના જિમનો એક વીડિયો વાયરલ થયો છે જેમાં એક હોટલ ઓપરેટર અને બિઝનેસમેન પ્રદીપ રઘુવંશી ઉર્ફે મામા રઘુવંશી જીમમાં એક્સરસાઈઝ કરતા જોઈ શકાય છે. આ દરમિયાન તેમને ગંભીર હાર્ટએટેક આવતા ચક્કર ખાઈને જમીન પર ઢળી પડ્યાં હતા અને તત્કાળ તેમનું મોત થયું હતું.  તેઓ ભાજપના મહાસચિવ કૈલાશ વિજયવર્ગીયના નજીકના હોવાનું કહેવાય છે.

इंदौर के जिम में होटल संचालक की अटैक से मौत
जिम में ट्रेडमिल पर दौड़ने के दौरान आया अटैक
सीसीटीवी कैमरे में कैद घटना का वीडियो| pic.twitter.com/VKO7sA3lFU

— Priya singh (@priyarajputlive) January 5, 2023

હાર્ટએટેકથી મોતની ઘટના સીસીટીવીમાં રેકોર્ડ થઈ
આ સમગ્ર ઘટના સીસીટીવીમાં રેકોર્ડ થઈ છે. ડોક્ટરના જણાવ્યા અનુસાર પ્રદીપને હાર્ટ એટેક આવ્યો હતો, જેના કારણે તેનું મોત થયું હતું.

વર્કઆઉટ કરતા પહેલા મેડિકલ ચેકઅપ જરૂરી 
ભંડારી હોસ્પિટલના ડો.હરીશ સોનીએ જણાવ્યું છે કે વર્કઆઉટ પહેલા મેડિકલ ચેકઅપ જરૂરી છે. આજકાલ દરેક વ્યક્તિએ જિમ જવાનું શરૂ કરી દીધું છે, જ્યાં ફિટનેસ માટે વર્કઆઉટ કર્યા બાદ સમસ્યાઓ આવી શકે છે.