કોરોના મહામારીને પગલે ઉભી થયેલી પ્રતિકુળતાને પગલે ગગનયાન મિશનમાં વધુ એક વિલંબ આવ્યો છે જે હવે 2024 ના વર્ષના અંતમાં લોન્ચ કરવામાં આવશે. તેમ મંત્રી ડૉ. જિતેન્દ્રસિંહે જણાવ્યું હતું.
ગગનયાન મિશનમાં વધુ એક વિલંબ આવ્યો
ગગનયાન 2024 ના વર્ષના અંતમાં લોન્ચ કરવામાં આવશે
કોરોનાને પગલે થયો હતો મિશનમાં વિલંબ
ગગનયાન મિશનમાં વધુ એક વિલંબ આવ્યો છે જેને પગલે ફરી આ મિશન લંબાયું છે અને હવે ગગનયાન 2024 ના વર્ષના અંતમાં લોન્ચ કરવામાં આવશે. આ દરમીયાન ઇન્ડિયન સ્પેસ રિસર્ચ ઓર્ગેનાઇઝેશન (ઈસરો) દ્વારા ભારતના પ્રથમ માનવ અવકાશ મિશન માટે સિસ્ટમ્સ વિકસાવવાનું અને તેના ટેસ્ટ શરૂ કરાઇ રહ્યા છે. આ મામલે વિજ્ઞાન અને ટેક્નોલોજી મંત્રી ડૉ. જિતેન્દ્રસિંહે જણાવ્યું હતું કે ભારતનું પ્રથમ માનવ અવકાશ ફ્લાઇટ 'H1' મિશન 2024ના અંતમાં લૉન્ચ કરવાનું લક્ષ્ય સાથે કામગીરી ચાલી રહી છે. જેમાં ક્રૂની સુરક્ષા સૌથી મહત્વની હોવાનું મંત્રી ડૉ. જિતેન્દ્રસિંહે ઉમેર્યુ હતું.
કોરોનાના પગલે થયો વિલંબ
વધુમાં તેમણે જણાવ્યું કે 'H1' મિશન પહેલા 2 પરીક્ષણ વાહન મિશનનું આયોજન કરાયું છે. 'G1' મિશન 2023 ના અંતમાં અને ત્યારબાદ 2024 ના બીજા ક્વાર્ટરમાં બીજું અનક્રુડ 'G2' મિશન તેમજ 2024 ના ચોથા ક્વાર્ટરમાં, અંતિમ માનવ અવકાશ ઉડાન 'H1' મિશન શરૂ કરવાનો લક્ષ્ય નક્કી કરાયો છે. મહત્વનું છે કે ભારતની આઝાદીના 75 વર્ષ પૂરા થવાના અવસર પર એટલે કે 2022માં ગગનયાન લોન્ચ કરવા આયોજન ઘડી કાઢવામાં આવ્યું હતું પરંતુ કોરોનાના પગલે અમલી કરાયેલ લોકડાઉનને કારણે તેમાં વિલંબ પણ થયો હતો.
અવકાશયાત્રીઓને અપાઈ રહી છે તાલીમ
ભારતીય વાયુસેના દ્વારા પસંદગી પામેલ અને આ મિશનનો હિસ્સો બનનાર અવકાશયાત્રીઓને બેંગલુરુમાં મિશન સંબંધિત તાલીમ લઈ રહ્યા છે. જેમણે તાલીમનું પ્રથમ સેમેસ્ટર પહેલેથી જ પૂર્ણ કર્યું છે, આ દરમિયાન મૂળભૂત બાબતો, અવકાશ દવા, લોન્ચ વાહનો, સિસ્ટમ્સ અને ગ્રાઉન્ડ સપોર્ટ ઈન્ફ્રાસ્ટ્રક્ચર પરના કોર્સ મોડ્યુલોની માહિતી અપાઈ છે. ક્રૂ ટ્રેનિંગના બીજા સેમેસ્ટર હાલ ચાલી રહ્યા છે. જેમાં ગયા મહિને નવેમ્બરમાં, ISROએ તેની ક્રૂ મોડ્યુલ ડિક્લેરેશન સિસ્ટમનું ઈન્ટિગ્રેટેડ મેઈન પેરાશૂટ એરડ્રોપ ટેસ્ટ હાથ ધર્યું હતું.