જયા બચ્ચને પૌત્રી નવ્યા નવેલી નંદાના તાજેતરના પોડકાસ્ટ એપિસોડમાં ફરી એકવાર ભારતીય મહિલાઓની ફેશન સેન્સ પરની ટિપ્પણીઓ માટે હેડલાઇન્સ બનાવી છે
જયા બચ્ચન તેના નિવેદનને કારણે ફરી એક વખત ચર્ચામાં આવી છે
વેસ્ટર્ન કપડાને લઈને જયા બચ્ચને કહી આવી વાત
ભારતીય મહિલાઓની ફેશન સેન્સ પર કરી આવી ટિપ્પણી
જયા બચ્ચન હંમેશા તેમના મંતવ્યો વ્યક્ત કરવા માટે અને નિવેદન માટે જાણીતી છે અને ખાસ કરીને તેની તીક્ષ્ણ જીભ અને તેમના અભિપ્રાયને ખુલ્લીને વ્યક્ત કરવા માટે સમયાંતરે હેડલાઇન્સમાં આવે છે. આ દિગ્ગજ અભિનેત્રી એક મજબૂત નારીવાદી છે અને સાચા અને ખોટા વિશે બોલવામાં ક્યારેય અચકાતી નથી. જણાવી દઈએ કે એમને પોતાની પૌત્રી નવ્યા નવેલી નંદાના તાજેતરના પોડકાસ્ટ એપિસોડમાં ફરી એકવાર ભારતીય મહિલાઓની ફેશન સેન્સ પરની ટિપ્પણીઓ માટે હેડલાઇન્સ બનાવી છે. આ પૉડકાસ્ટમાં જયા બચ્ચને કહ્યું કે તે સમજી નથી શકતી કે શા માટે આપણા પોતાના ભારતીય કપડા કરતાં વેસ્ટર્ન કપડાંને વધુ પસંદ કરવામાં આવે છે.
વેસ્ટર્ન કપડાને લઈને જયા બચ્ચને કહી આવી વાત
પૌત્રી નવ્યા નવેલી નંદાના તાજેતરના પોડકાસ્ટ એપિસોડમાં ભારતીય મહિલાઓના વેસ્ટર્ન કપડાની પસંદગી પર સવાલ ઉઠાવતા જયા બચ્ચને કહ્યું હતું કે, 'મને લાગે છે કે અજાણતા જ આપણે સ્વીકારી લીધું છે કે વેસ્ટર્ન કપડા એક સ્ત્રીને મેં પાવર આપે છે. મને નારી શક્તિમાં સ્ત્રી જોવાનું ગમશે. હું એમ નથી કહેતો કે 'જાઓ સાડી પહેરો' પણ વેસ્ટર્નમાં પણ સ્ત્રીઓ સરસ કપડાં પહેરતી. આ બધું ખૂબ પાછળથી બદલાઈ ગયું જ્યારે એમને પેન્ટ પહેરવાનું શરૂ કર્યું.
નવ્યાએ કહ્યું- સાડી કમ્ફર્ટેબલ નથી
જો કે જયાની પુત્રી શ્વેતા બચ્ચને તરત જ આ વાત પર પ્રતિક્રિયા આપતા કહ્યું હતું કે કામ કરતી વખતે મહિલાઓ માટે વેસ્ટર્ન કપડાં વધુ આરામદાયક છે.' ઉપરાંત જયાની પૌત્રી નવ્યાએ પણ કહ્યું હતું કે, 'આ આંદોલનમાં સરળતાને કારણે છે. આજે ઘણી બધી સ્ત્રીઓ માત્ર ઘરમાં જ નથી બેઠી, બહાર જઈ રહી છે, નોકરીઓ મેળવી રહી છે. એવામાં સાડી કરતાં પેન્ટ અને ટી-શર્ટની જોડી પહેરવી સરળ છે.'
ઘણા મુદ્દાઓ પર બોલી જય બચ્ચન
આ દરમિયાન નવ્યાએ તે મહિલા સીઈઓ વિશે વાત કરી જેઓ સાડીઓ પસંદ કરે છે પરંતુ જયાએ તેમાં પણ દાવો કર્યો કે આવું એટલા માટે છે કારણ કે તેઓ સેલ્ફ મેડ અને કોન્ફિડન્ટ છે. જો કે આ પહેલીવાર નથી જ્યારે જયા બચ્ચન પોતાના મંતવ્યો રજૂ કરવા માટે હેડલાઇન્સમાં આવી હોય. અગાઉ પણ પોડકાસ્ટમાં તેમને સંબંધો, પીરિયડ્સ દરમિયાન શૂટિંગ કરતી વખતે મુશ્કેલીઓ અને બીજા ઘણા વિષયો પર ખુલ્લીને ચર્ચા કરી હતી. જણાવી દઈએ કે જયા બચ્ચન આવનાર વર્ષે કરણ જોહરની 'રોકી ઔર રાની કી પ્રેમ કહાની'માં જોવા મળશે, જે આવતા વર્ષે 28 એપ્રિલે રિલીઝ થવાની છે.