ભારતીય મહિલા ક્રિકેટ ટીમે ઈંગ્લેન્ડના બોલરને નાકે દમ લાવી દીધો હતો. કેન્ટરબરીના સેન્ટ લોરેન્સ ગ્રાઉન્ડમાં રમાયેલી બીજી વનડેમાં કેપ્ટન હરમનપ્રીત કૌરનો રંગ જ જુદો હતો. હરમનીપ્રીતે 111 બોલમાં 18 ફોર અને ચાર સિક્સની મદદથી અણનમ 143 રન કર્યાં હતા.
#INDvsENG | Harmanpreet Kaur's unbeaten 143 guides the Indian women's cricket team to 333/5 in the second ODI at Canterbury.
કેપ્ટન હરમનપ્રીત કૌરની અણનમ સદીને સહારે ભારતે યજમાનો સામે 334 રનનો ટાર્ગેટ મૂક્યો. કૌરે 111 બોલમાં 18 ચોગ્ગા અને ચાર છગ્ગાની મદદથી અણનમ 143 રન બનાવ્યા હતા. તેમના સિવાય હરલીન દેઓલે 58 રનની ઇનિંગ રમી હતી. ભારતે 50 ઓવરમાં 5 વિકેટના નુકસાન પર 333 રનનો વિશાળ સ્કોર બનાવ્યો હતો. વન ડે ક્રિકેટમાં ટીમ ઈન્ડિયાનો આ બીજો સૌથી મોટો સ્કોર છે.
India set record total against England, Kaur scores unbeaten 143
મંધાનાએ વન ડેમાં પણ 3000 રન પુરા
ઈંગ્લેન્ડની કેપ્ટન એમી જોન્સે ટોસ જીતીને ભારતીય ટીમને બેટિંગનું આમંત્રણ આપ્યું હતું. ટોસ હારીને પ્રથમ બેટિંગ કર્યા બાદ ભારતીય ટીમની શરૂઆત સારી રહી ન હતી. યુવા બેટ્સમેન શફાલી વર્મા સતત બીજી મેચમાં નિષ્ફળ રહી હતી. તે માત્ર 8 રન બનાવી કેટ ક્રોસની બોલિંગમાં બોલ્ડ થઇ હતી. સ્મ્રિતિ મંધાના અને વિકેટકિપર યસ્તિકા ભાટિયાએ બીજી વિકેટમાં 54 રન જોડયા હતા. ભાટિયાએ 26 રન બનાવ્યા હતા અને ચાર્લી ડીનના બોલ પર તેને કેચ આઉટ કરાવ્યો હતો. પ્રથમ મેચમાં 91 રનની શાનદાર ઇનિંગ રમનાર સ્મૃતિ મંધાનાએ 40 રનનું યોગદાન આપ્યું હતું. પોતાની ઈનિંગ દરમિયાન મંધાનાએ વન ડેમાં પણ 3000 રન પુરા કર્યા હતા.