સુરક્ષામાં વધારો / એશિયાના સૌથી ધનવાન ગૌતમ અદાણીને મળી Z સિક્યોરિટી, CRPF પર સુરક્ષાની જવાબદારી

• ગૌતમ અદાણીની સુરક્ષાને લઈને મોટો નિર્ણય
• ગૌતમ અદાણીને મળશે કેન્દ્રની ઝેડ કેટેગરીની સુરક્ષા
• તેમનો અંદાજીત ખર્ચ 15-20 લાખ રૂપિયા પ્રતિ મહિના

ઈન્ટેલિજન્સ બ્યૂરો (આઈબી) દ્વારા મોકલવામાં આવેલા રિપોર્ટના આધારે કેન્દ્ર સરકારે દેશના મોટા ઉદ્યોગપતિ અને સૌથી અમીર વ્યક્તિ ગૌતમ અદાણીની સુરક્ષાને લઈને મોટો નિર્ણય લીધો છે. સરકારે અદાણીને 'ઝેડ કેટેગરી'ની સુરક્ષા આપવાનો નિર્ણય કર્યો છે. ગૃહ મંત્રાલયના સૂત્રોના જણાવ્યા અનુસાર, અદાણીને ઈન્ટેલિજન્સ બ્યૂરો તરફથી મળેલી ધમકીઓના આધારે સરકાર દ્વારા ઉચ્ચ સ્તરીય સુરક્ષા પૂરી પાડવામાં આવી છે.

ખર્ચ કોણ ઉઠાવશે?
જાણકારી અનુસાર અદાણી ગ્રુપના ચેરમેન તેમને આપવામાં આવેલી ઝેડ કેટેગરીની સુરક્ષાનો ખર્ચ ઉઠાવશે. સૂત્રોના જણાવ્યા અનુસાર, ભારતના ટોચના ઉદ્યોગપતિ (ગૌતમ અદાણી સિક્યોરિટી)ને આપવામાં આવેલી સુરક્ષામાં સેનાના 30થી વધુ જવાનો તૈનાત રહેશે. તેમને આ સુરક્ષા સશસ્ત્ર દળ આપવામાં આવશે. તેમનો અંદાજીત ખર્ચ 15-20 લાખ રૂપિયા પ્રતિ મહિના આવશે.

અંબાણીને પણ મળી છે સિક્યુરીટી
આ પહેલા ઉદ્યોગપતિ મુકેશ અંબાણી અને તેમની પત્ની નીતા અંબાણીને પણ ગૃહ મંત્રાલયે 'ઝેડ' સુરક્ષા આપી છે, જેનો ખર્ચ તેઓ જાતે જ ઉઠાવી રહ્યા છે. જુલાઈ 2022 ના રોજ, સુપ્રીમ કોર્ટે કેન્દ્ર સરકારને અંબાણીને મુંબઈમાં પૂરા પાડવામાં આવતા સુરક્ષા કવચને ચાલુ રાખવાની મંજૂરી આપી હતી. નોંધનીય છે કે અંબાણી પરિવાર કેન્દ્ર દ્વારા તેમને આપવામાં આવેલા સુરક્ષા કવચ માટે ચૂકવણી કરી રહ્યા છે.