હતાશ / ટ્રેનમાં મળતી સૌથી મોટી સુવિધા પર લાગી બ્રેક, સરકારની જાહેરાત જાણી નિરાશ થઈ જશો

• હવે પ્રવાસીઓને રેલવેમાં યાત્રા દરમ્યાન વિશેષ સુવિધા નહીં મળે
• રેલવેએ ટ્રેનોમાં ઈન્ટરનેટ કનેક્શન આપવાની પરિયોજનાને બંધ કરી
• સેટેલાઈટ કોમ્યુનિકેશન દ્વારા વાઈ-ફાઈ ઈન્ટરનેટની સુવિધા પૂરી પાડી

ભારત સરકાર છેલ્લાં કેટલાંક વર્ષોથી પ્રવાસીઓની સુવિધાઓ માટે ટ્રેનો અને રેલવે સ્ટેશનોમાં Wi-Fi તૈયાર કરાવી રહી છે. પરંતુ દેશના દરેક રેલવે સ્ટેશનો પર વાઈ-ફાઈ કનેક્ટિવિટીની સુવિધા આપ્યાં બાદ સરકારે તેને ડ્રોપ કરી દીધી છે.

પ્રવાસીઓને Wi-Fi સુવિધા નહીં મળે

વર્ષ 2019માં પૂર્વ રેલ મંત્રી પીયુષ ગોયલે જાહેરાત કરી હતી કે કેન્દ્ર સાડા ચાર વર્ષમાં ટ્રેનોની અંદર વાઈ-ફાઈ આપવાની યોજના બનાવી રહ્યું છે. પરંતુ તેમાં ખૂબ પડકારો હતા. જેના કારણે હવે રેલવેના પ્રોજેક્ટને હટાવી દેવામાં આવ્યો છે. પીટીઆઈના એક રિપોર્ટ મુજબ, રેલવેએ ટ્રેનોમાં ઈન્ટરનેટ કનેક્શન આપવાની પરિયોજનાને બંધ કરી દીધી છે. કારણકે તેનો ખર્ચો સરકારને પરવડતો ન હતો. સરકારે સંસદમાં તેની પુષ્ટિ કરી છે. લોકસભામાં એક પ્રશ્નના લેખિત ઉત્તરમા રેલવે મંત્રી અશ્વિની વૈષ્ણવે આ અંગે જવાબ આપતા કહ્યું કે, પાયલોટ પ્રોજેક્ટ હેઠળ સરકારે હાવડા રાજધાની એક્સપ્રેસ ટ્રેનમાં સેટેલાઈટ કોમ્યુનિકેશન ટેકનોલોજી દ્વારા વાઈ-ફાઈ ઈન્ટરનેટની સુવિધા પૂરી પાડી છે.

પ્રોજેક્ટ પ્રમાણે ખર્ચો પરવડતો નથી

પાયલોટ પ્રોજેક્ટ દરમ્યાન જોવા મળ્યું છે કે ટેકનોલોજી ઈન્ટેન્સિવ કેપિટલની સાથે રેકરિંગ કાસ્ટની જરૂર હોય છે, જેવીકે બેન્ડવિથ શુલ્ક જેન આ પ્રોજેક્ટ પ્રમાણે ખર્ચો અનુસરતો નથી. આ સાથે ટ્રેનમાં પ્રવાસીઓને આપવામાં આવેલી ઈન્ટરનેટ બેન્ડવિડ્થ  પુરતા પ્રમાણમાં ન હતી. રેલવે મંત્રીએ કહ્યું કે, અત્યાર સુધી ટ્રેનોમાં વાઈફાઈ ઈન્ટરનેટ સેવાઓ માટે ટેકનોલોજીનો ખર્ચ અસરકારક નથી.