- ભારતીય રેલ્વેનો મોટો નિર્ણય
- રેલ્વે સ્ટેશન પર રોકાવા માટે મળશે અદ્યતન સુવિધા
- તમામ રેલ્વે સ્ટેશનો પર બનશે રિટાયરિંગ રૂમ
મુસાફરી દરમિયાન યાત્રિઓને કોઈ તકલીફ ન થાય, તેના માટે રેલ્વે ટ્રેનો અને સ્ટેશનોમાં કેટલીય નવી નવી સુવિધાઓ આપી રહ્યું છે. આ જ ક્રમમાં દેશના તમામ રેલ્વે સ્ટેશનોમાં રિટાયરિંગ રૂમ બનાવાનો નિર્ણય લેવામાં આવ્યો છે. ઈંડિયન રેલ્વે કેટરિંગ એન્ડ ટૂરિઝ્મ કોર્પોરેશન ટૂંક સમયમાં આ રિટાયરિંગ રૂમ માટે સ્ટેશનોને ફાઈનલ કરશે. સંભાવના જણાવામાં આવી રહી છએ કે, આગામી છ મહિનામાં આ રિટાયરિંગ રૂમનું કામ શરૂ થઈ જશે.
50 સ્ટેશનો પર રિટાયરિંગ રૂમ બનાવામાં આવશે
દેશમાં 25 રેલ્વે સ્ટેશનો પર હાલના સમયમાં આઈઆરસીટીસી દ્વારા રિટાયરિંગ રૂમનું સંચાલન થઈ રહ્યું છે. હાલમાં જ 46 અન્ય રેલ્વે સ્ટેશન ફાઈનલ થઈ ચુક્યા છે. આ ઉપરાંત અન્ય 50 સ્ટેશનો પર આધુનિક સુવિધાઓથી લૈસ રિટાયરિંગ રૂમ બનાવાનો નિર્ણય લેવામાં આવ્યો છે. જેમાં મુસાફરોને સફર દરમિયાન રહેવામાં અસુવિધા ન થાય તેના માટે હોટલ જવું ન પડે, સ્ટેશનોમાં જ હોટલોની સુવિધાવાળા રિટાયરિંગ રૂમ મળી રહેશે.
રિટાયરિંગ રૂમમાં હોટલ જેવી સુવિધાઓ
આ રિટાયરિંગ રૂમમાં યાત્રિઓને રોકવા અને વિશ્રામની સારામાં સારી સુવિધાઓ આપવામાં આવશે. દરેક રિટાયરિંગ રૂમમાં એસી, ફ્રિઝ, એલઈડી ટીવી, ડબલ બેડ, સોફા સેટ એન્ડ ચેર, ડ્રેસિંગ ટેબલ, તિજોરી અને અટેચ્ડ વોશરૂમની સુવિધા આપવામા આવસે. તેની સાથે જ મુસાફરોને સુવિધા માટે ઈલેક્ટ્રિક કિટલી તથા પાણીની બોટલ, રૂમાલ, સાબૂ તથા શેમ્પુ પણ આપવામાં આવશે.
હોટલથી સસ્તુ હશે ભાડૂ
આ રિટાયરિંગ રૂમનું ભાડૂ હોટલથી પણ સસ્તુ હશે. હોટલમાં મળતી તમામ સુવિધાઓ છતાં 600 રૂપિયાથી લઈને 1500 રૂપિયાની વચ્ચે હોઈ શકે છે. જો કે, હજૂ સુધી ભાડૂ ફિક્સ થયુ નથી.
આવી રીતે બુક કરાવી શકશો રિટાયરિંગ રૂમ
હાલના સમયમાં રિટાયરિંગ રૂમ અને ડારમેટ્રી બેડના બુકીંગ આઈઆરસીટીસીની વેબસાઈટ https://www.irctc.co.in/nget/train-search પર કરી શકાય છે. રિટાયરિંગ રૂમ અને ડારમેટ્રી બેડના બુકીંગ વધુમાં વધું 48 કલાક માટે થઈ શકશે. સાથે જ રિટાયરિંગ રૂમ અને ડારમેટ્રી બેડ ખાલી થવા પર આઈઆરસીટીસી કર્મચારી બુકીંગની સુવિધા પણ આપશે. બુકીંગ માટે મુસાફરો પાસેથી આગળની યાત્રા માટે ટિકિટ હોવી જોઈએ.
