સેલ્ફ રિસ્પેક્ટ / 30 કે 40ની ઉંમર પાર કરી ચૂકેલી મહિલાઓ પણ હવે કરીયરની સેકન્ડ ઇનિંગ રમવા તૈયાર

• જયાં બાળકનો જન્મ થાય કે મહિલાઓ માટે જાણે કે એક આખા જીવનનો અંત આવીને બીજા જન્મની શરૂઆત થતી હોય છે
• એક સર્વે પ્રમાણે 65 ટકા મહિલાઓ એવી છે જે  35 વર્ષ પાર કરી ચૂકી છે અને ફરી કામ કરતી થઇ છે
• 35 કે 40ની ઉંમર પાર કરી ચૂકી હોય તેવી મહિલા સેલ્ફ રીસ્પેક્ટ માટે પણ કામ કરતી હોય છે

જીવનના એક પડાવ પર નોકરી છોડી શકીએ તો બીજા પડાવ પર ફરી કામ શરૂ ના કરી શકાય.? આર્થિક તંગી, કે જરૂરિયાત માટે જ કામ કરવાનું આત્મસન્નમાન કે પછી પોતાની ખુશી માટે સેકન્ડ ઇનિંગ ના રમી શકાય.? 

મહિલાઓના જીવનમાં અનેક પાળી હોય છે

સેકન્ડ ઇનિંગ એટલે બીજી પાળી, ખાસ કરીને રમતમાં વપરાતો આ શબ્દ આજે અહીં વાપર્યો છે. માટે વિચારતો ચોક્કસથી આવે જ કે વળી સેકન્ડ ઇનિંગ સાથે મહિલાઓને શુ લેવા દેવા. પરંતુ જો ખરેખર વિચારીએ તો ખબર પડે કે મહિલાઓના જીવનમાં અનેક પાળી હોય છે. પરંતુ સાચી શરૂઆત લગ્ન પછી થતી હોય છે તેવુ બધાનું માનવુ છે. અને  જયાં બાળકનો જન્મ થાય કે મહિલાઓ માટે જાણે કે એક આખા જીવનનો અંત આવીને બીજા જન્મની શરૂઆત થતી હોય છે.

એવી પણ મહિલાઓ છે જે પરિવાર કહે તેમ કરતી હોય છે 

પરંતુ હકીકતમાં તો મહિલા માટે પોતાની એક ઇનિંગનો અંત આવે છે. બાળક મોટુ થાય પોતાની રીતે બધુ કરતુ થાય ત્યારે માતાને ફરીએક વાર લાગે છે કે કાશ હું ફરી કામમાં જોતરાઇ શકુ..?  આ તો વાત થઇ વર્કિંગ વુમનની જે પહેલેથી જ કામ કરતી હોય છે અને પરિવાર, બાળક, જવાબદારીના કારણે પોતાની નોકરી,બિઝનેશને અલવિદા કહે છે. પરંતુ એવી પણ મહિલાઓ છે જે નાની હતી ત્યારે દિકરી બની મતા-પિતા,ભાઇ અને પરિવાર કહે તેમ કરતી. એમ કરતા કરતા જ તેના લગ્ન થઇ જાય છે. 

'પ્રથમ ઇનિંગ તો હું ના રમી શકી પરંતુ સેકન્ડ ઇનિંગ તો જરૂર રમીશ'

સાસરે આવે છે ત્યારે એ જ સીલસીલો ચાલુ રહે છે. પતિ, સસરા, સાસુમા, પરિવારની દેખરેખમાં પોતે ક્યાં છે તેની જાણ શુદ્ધા તેને નથી હોતી. પરંતુ જ્યારે તે માતા બને છે અને બાળક આવે છે. ત્યારે તેને ધીમે ધીમે પોતાના દિવસો યાદ આવે છે. જ્યારે બાળક મોટા થાય અને તેને અભ્યાસ માટે બેસાડે ત્યારે દિકરો પુછે કે મમા તમને આ એકઝામપલ આવડશે..? ત્યારે માતાને લાગે છે કે મેથેમેટીક્સમાં ડીસ્ટીક્સન લાવનાર મને મારુ સાત વર્ષનું બાળક એમ પુછે છે કે મમા તમને બીજા ઘોરણનો દાખલો આવડશે. ત્યારે મહિલાને લાગે છે કે પ્રથમ ઇનિંગ તો હું ના રમી શકી પરંતુ સેકન્ડ ઇનિંગ તો જરૂર રમીશ. 

મહિલાઓ બીજી પાળીની શરૂઆત ગૌરવભેર કરી શકે

એક સર્વે પ્રમાણે 65 ટકા મહિલાઓ એવી છે જે  35 વર્ષ પાર કરી ચૂકી છે. અને ફરી કામ કરતી થઇ છે જ્યારે 45 ટકા મહિલાઓ એવી છે જેમણે પહેલા ક્યારેય વર્ક નથી કર્યુ અને 40 વર્ષ પછી કામ કરવાની શરૂઆત કરી છે. જેમાં ઘરેથી કામ કરતી મહિલાઓની સંખ્યા પણ વધારે છે. જ્યારે પોતાની સ્કીલ પ્રમાણે નવુ કામ શરૂ કરવા પણ મહિલાઓ તૈયાર છે. ઘરસે નોકરી પોર્ટલ પર એક અંદાજ પ્રમાણે બારસોથી પંદરસો જેટલી મહિલાઓએ નોકરી માટે અરજી કરી હતી.  62 ટકા મહિલાઓ 1થી 10 વર્ષના કામનો અનુભવ ધરાવતી હતી. અન્ય મહિલાઓની વાત કરીએ તો તે પ્રથમ વખત કામ કરી રહી હતી. સર્વેમાં એવુ પણ તારણ આવ્યુ છે કે, આઇટી સેક્ટર ઉપરાંત ગ્રાફીક્સ ડિઝાઇનિંગ, કન્ટેન્ટ રાઇટિંગ, ટેલી માર્કેટિંગ, ડેટા એન્ટ્રી, ક્રીએટીવ વર્ક જેવા અનેક વિક્લ્પો છે. જેના આધારે મહિલાઓ બીજી પાળીની શરૂઆત ગૌરવભેર કરી શકે છે.

35 કે 40ની ઉંમર પાર કરી ચૂકી હોય તેવી મહિલા સેલ્ફ રીસ્પેક્ટ માટે પણ કામ કરતી હોય છે.

મહિલાઓને ઘરેથી કામ કરવાની તક આપતા સંગીતા શર્મા કહે છે કે, “એક સમય એવો હોય છે જ્યારે આપણે પરિવારને મદદ કરવા માટે નોકરીનો વિચાર કરીએ છીએ. જ્યારે અમુક ઉંમર પછી બાળકો મોટા થાય ત્યારે  તેમની સામે પણ આપણે ગૌરવથી ઉભા રહી શકીએ તે માટે પણ કામ કરવાનું વિચારતા હોઇએ છીએ. હાલની જે જનરેશન છે તેમાં જગ્યા બનાવવા માટે થઇને પણ કામ કરવુ જરૂરી બન્યુ છે. જ્યારે પોતાના પગ પર ઉભા રહેવા અને સ્વાવલંબી બનવા માટે પણ મહિલા વર્ક કરતી થઇ છે. 35 કે 40ની ઉંમર પાર કરી ચૂકી હોય તેવી મહિલા સેલ્ફ રીસ્પેક્ટ માટે પણ કામ કરતી હોય છે.”

સ્ટોરી- હેતલ રાવ