ગરજ / હવે નથી મળી રહ્યાં શ્રમિકો તો જાણો માલિકો કેવી કેવી આપી રહ્યાં છે ઓફર

• કંપનીઓ મજૂરોને ફ્લાઇટ્સમાં પાછા બોલાવી રહી છે
• કંપનીઓ લોકોને કામ માટે મોકલવા ગામના વડા સાથે વાત કરી રહી છે
• અન્ય નજીકના સ્થળોએથી નવા લોકોને નોકરી પર લઈ રહ્યા 

પરપ્રાંતિય મજૂરોને પરત લાવવા કંપનીઓ વિવિધ પ્રકારી લાલચ આપી રહી છે. જો કે કેટલીક કંપનીઓ શહેરી વિસ્તારોમાં કામદારોને આકર્ષવા માટે મફત મુસાફરી ટિકિટ, રહેઠાણ અને ભોજન જેવા લાભોનું વચન આપી રહી છે. અન્ય નજીકના સ્થળોએથી નવા લોકોને નોકરી પર લઈ રહ્યા છે.

ત્યાં સુધી કે કંપનીઓ  લોકોને કામ માટે મોકલવા ગામના વડા સાથે વાત કરી રહી છે. બદલામાં કંપનીઓ કામદારોની સલામતીની ખાતરી આપી રહી છે અને ત્યારે તેઓ તેમના પરિવહનની વ્યવસ્થા કરવા માટે તૈયાર છે. ઘણા કામદારોએ પાછા ફરવાની ઇચ્છા પણ વ્યક્ત કરી છે, પરંતુ આ કરવા માટે કંપનીઓને ખૂબ જ સંઘર્ષ કરવો પડી રહ્યો છે.

મજૂરો મળવામાં આવી રહી છે મુશ્કેલી 

રાષ્ટ્રીય રિઅલ એસ્ટેટ ડેવલપમેન્ટ કાઉન્સિલના મહારાષ્ટ્ર એકમના અધ્યક્ષ રાજન બંદેલકરે કહ્યું કે મજૂરોની અછતને કારણે બાંધકામ પ્રોજેક્ટ્સને અસર થઈ  છે. જેને હવે પૂર્ણ થવામાં સમય લાગશે. ત્યારે મુંબઇની એક ફાર્મા કંપનીને છેલ્લા ત્રણ મહિનામાં લેબરની સમસ્યાઓનો સામનો કરવો પડ્યો છે. જે બાદ તે તેના કર્મચારીઓને આવવા જવા માટે બસની સુવિધા પુરી પાડી રહી છે. કેઈસી ઇન્ટરનેશનલના એમડી અને સીઈઓ વિમલ કેજરીવાલનું કહેવું છે કે તેમની કંપનીના લગભગ બે તૃતીયાંશ કામદારો પાછા ગયા છે. તેમનું કહેવું છે કે કંપની વતી કામદારોના પરિવારો અને ગામના સરપંચોને મજૂરોની સુરક્ષાનું વચન આપવામાં આવ્યું છે. કેજરીવાલનું કહેવું છે કે કેટલાક વિસ્તારોમાં કામદારોને પણ ફ્લાઇટ દ્વારા પાછા લાવવામાં આવી રહ્યા છે.

મજુરોને આ સુવિધા આપી રહી છે કંપનીઓ?

• મજૂરોને પરત લાવવા બસ અને ટ્રેનથી આગળ વધી, કંપનીઓ  ફ્લાઇટ્સમાં પાછા બોલાવી રહી છે
• કંપનીઓ દ્વારા રહેવાની સાથે કામદારોને તમામ પ્રકારની સુવિધાઓ આપવામાં આવી રહી છે.
• કામદારોને પરત લાવવા કંપનીઓ બંને જગ્યાઓના અધિકારીઓની પરવાનગી લઈ રહી છે.