- 2030 સુધીમાં ભારત ત્રીજી સૌથી મોટી અર્થવ્યવસ્થા બનશે
- GST કલેક્શન અને નોકરીઓની તકોમાં વધારો થયો
- લોકોની આવક બેગણી થઇ
ભારતીય અર્થવ્યવસ્થાએ આ તહેવારની સીઝનમાં જોરદાર ગ્રોથ કર્યો છે. ઓક્ટોબરમાં જે રીતે કાર અને ઓટો સેક્ટરને લઇને GST કલેક્શન અને નોકરીઓની તકોમાં વધારો થયો તેનાથી એ તો સાફ થઇ જ ગયું તે ગ્લોબલ સંકટ હોવા છતાં રણ ભારત દુનિયામાં સૌથી વધુ ઝડપે આગળ વધનારી અર્થવ્યવસ્થા બની જશે. આ મુદે ગ્લોબલ ઇનવેસ્ટમેન્ટ બેંક મોર્ગન સ્ટૈનલીનાં રિપોર્ટ અનુસાર ભારત વર્ષ 2030 સુધીમાં દુનિયાનો ત્રીજો સૌથી ઝડપથી વિકસિત થતો દેશ બની જશે.
દુનિયાનો રોકાણ માટેનો સૌથી આકર્ષક દેશ છે ભારત
એક રિપોર્ટ અનુસાર ભારત વૈશ્વિક અર્થવ્યવસ્થામાં મજૂબત બની રહ્યો છે. આ રોકાણકારો માટે ખુબ મોટી તક છે. પીએમ મોદીએ કર્ણાટકમાં ગ્લોબલ ઇનવેસ્ટમેન્ટ મીટમાં કહ્યું કે ભારત વૈશ્વિક સંકટમાં પણ અડીખમ ઊભું છે, તેથી વિદેશી રોકાણકારો માટે અહીં ઘણાં સારા વિકલ્પો છે. તેમને ઉદાહરણ આપતાં જણાવ્યું કે ગયાં વર્ષે ભારતમાં 84 અરબ ડોલર FDI આવ્યું છે.
આ સેક્ટર ભારતની તરફેણમાં
માહિતી અનુસાર આવી ઘટના ઘણાં વર્ષોમાં એકવાર બને છે. ડેમોગ્રાફિક, ડિજિટલાઇઝેશન, ડીકાર્બનાઇઝેશન અને ડીગ્લોબલાઇઝેશન વગેરે હાલમાં ભારતનાં પક્ષમાં છે. અમેરિકા, ચીન, જાપાન અને જર્મની પછી ભારત દુનિયાની પાંચમી સૌથી મોટી અર્થવ્યવસ્થા છે.
લોકોની આવક બેગણી
આ ઘટનાઓથી ભારતની આવકમાં પણ વધારો નોંધાયો છે. આવતાં 10 વર્ષોમાં ભારતમાં એવા પરિવારોની સંખ્યા પાંચ ગણી વધીને 2.5 કરોડ થઇ જશે કે જેમની વાર્ષિક આવક 28 લાખ રૂપિયાથી વધુ હશે. આ સિવાય GDP પણ બમણી થઇ 2031 સુધી 7.5 લાખ કરોડ ડોલર થઇ જશે અને આવનારાં 10 વર્ષોમાં 10 લાખ ડોલરને પાર કરી જશે.
આઉટસોર્સિંગમાં મચશે ધૂમ
એક રિપોર્ટ અનુસાર આવનારા દશકમાં ભારતમાં આઉટસોર્સમાં કામ કરનારાં કર્મચારીઓની સંખ્યા બેગણી વધીને 1.10 કરોડ સુધી પહોંચી શકે છે. આઉટસોર્સિંગ પર થનારાં ખર્ચ 180 અરબ ડોલરથી વધીને 2030 સુધીમાં 500 અરબ ડોલર થઇ શકે છે. તેની અસર કોમર્શિયલ અને રેસિડેંશિયલ પ્રોપર્ટીઝ પર જોવા મળશે.
આ સંકેતો ભારતની અર્થવ્યવસ્થામાં મજબૂતાઇ દર્શાવે છે.
વૈશ્વિક સંકટમાં ભારતીય ઇકોનોમી
ગ્લોબલ સંકટ હોવા છતાં ભારતીય ઇકોનોમી મજબૂતાઇથી આગળવ વધતી જોવા મળી છે. પાછલા મહિને GST કલેક્શનમાં 16.6%થી વધીને 1.52 લાખ કરોડ થઇ છે જે એપ્રિલમાં 1.68 લાખ કરોડ રૂપિયા હતી.
કારોનાં વેંચાણે મચાવી ધૂમ
નવરાત્રી, ધનતેરસ, દિવાળીના પર્વોને લીધે માર્કેટ ઘણું આગળ વધ્યું છે. ઓક્ટોબરમાં ગાડીઓની રિટેલમાં વેચાણ 70% જેટલું વધ્યું છે. તો ઇલેક્ટ્રિક બાઇકનું વેંચાણ પણ ઓલ ટાઇમ હાઇ પર પહોંચ્યું છે.
મેન્યુફેક્ચરિંગ સેક્ટરમાં પણ ફાયદા
મેન્યુફેક્ચરિંગ સેક્ટર કંપનીઓએ ઓક્ટોબરમાં નવી નોકરીઓ ફાળવવામાં છેલ્લા 33 મહિનાઓનો રેકોર્ડ બ્રેક કર્યો છે. ઓક્ટોબરમાં મેન્યુફેક્ચરિંગ સેક્ટરનું પરચેસિંગ મેનેજર્સ ઇન્ડેક્સ સપ્ટેમ્બરનાં 55.1 થી વધીને 55.3 સુધી પહોંચ્યું છે.
સર્વિસેજ PMIનું શાનદાર પ્રદર્શન
સર્વિસ સેક્ટર લાંબા સમયથી ભારતીય અર્થવ્યવસ્થાનું મુખ્ય એન્જિન રહ્યું છે. ઓક્ટોબરમાં લગાતાર 15માં મહિને સર્વિસેજ PMI 50ની ઉપર રહ્યું છે. ઓક્ટોબરમાં PMI 55.1 પર છે જ્યારે સપ્ટેમ્બરમાં આ આંક 54.3 પર હતો.
કેટલાય સેક્ટરોમાં તેજી
ઓક્ટોબરમાં પેટ્રોલ વેંચાણમાં 12.1%નો વધારો થતાં 2.78 મિલિયન ટન પર પહોંચ્યો છે. તે સિવાય ડીઝલનાં વેંચાણમાં 12%નો વધારો થઇને 6.57 મિલિયન ટન થયું છે.
