જમ્મુ- કાશ્મીર / પાકિસ્તાન અને ચીનને પહોંચી વળવા ઈન્ડિયન આર્મી કરવા જઈ રહી છે આ શક્તિશાળી બોડીની રચના

• CDSએ ત્રણેય સેનામાં પરિવર્તનની બ્લૂપ્રિન્ટ કરી તૈયાર
• જલ,ભૂમિ અને વાયુસેનામાંથી બનાવાશે સંયુક્ત કમાન્ડ
• સમુદ્ર સુરક્ષા, ચીન, સાયબર ખતરાઓ માટે પણ અલગ કમાન્ડ હશે

પાકિસ્તાન સામે લડવા જમ્મૂ-કશ્મીરમાં ઉભી કરાશે અલગ કમાન્ડ

પાકિસ્તાનને પહોંચી વળવા માટે જમ્મુ-કાશ્મીરમાં અલગ સેનાની કમાન્ડ તૈયાર કરવામાં આવી રહી છે. સેનાના ચીફ ઓફ ડિફેન્સ સ્ટાફ(CDS)જનરલ બિપિન રાવત ત્રણેય સેનાઓમાં વ્યાપક પરિવર્તન માટે બ્લુ પ્રિન્ટ તૈયાર કરી રહ્યાં છે. સોમવારે આ અંગે જાણકારી આપતા બિપીન રાવતે જણાવ્યું હતું કે જળ, વાયુ અને ભૂમિદળ મળીને 5 સંયુક્ત કમાન્ડ્ડ (થિયેટર કમાન્ડ ) તૈયાર કરાશે. 

સમુદ્ર સુરક્ષા, ચીન, સાયબર ખતરાઓ માટે પણ અલગ કમાન્ડ હશે

બિપીન રાવતે એમ પણ જણાવ્યું હતું કે સમુદ્ર સુરક્ષા, ચીન તથા સાયબર ખતરાઓ માટે પણ અલગ કમાન્ડની રચના કરવામાં આવશે. તેમણે એમ પણ જણાવ્યું હતું કે લાંબાં સમયથી અલગ સંયુક્ત કમાન્ડની જરુર વર્તાઈ રહી હતી.  

ત્રણ મહિનામાં તેનો પ્રાથમિક રિપોર્ટ તૈયાર થઈ જશે

ચીનને ધ્યાનમાં રાખીને બનેલા સંયુક્ત કમાન્ડને નેપાળના પૂર્વ અને પશ્ચિમ ભાગમાં વહેંચી શકાય છે. ઉલ્લેખનીય છે કે ચીન અને અમેરિકા આ પ્રકારના સંયુક્ત કમાન્ડ મોડલ પર કામ કરી રહ્યા છે.  આ વર્ષના અંત સુધીમાં થિયેટર કમાન્ડનું આધારભૂત કામ પુરુ થઈ જશે. ત્રણ મહિનામાં તેનો પ્રાથમિક રિપોર્ટ તૈયાર થઈ જશે.