અભિનંદન / ભારતીય મૂળની નીરા ટંડને જીત્યો રાષ્ટ્રપતિ બાઈડનનો ભરોસો, મળી મોટી જવાબદારી

• ભારતીય મૂળની નીરા ટંડને રાષ્ટ્રપતિ જો બાઈડનનો ભરોસો જીત્યો
• નીરા ટંડનની વ્હાઈટ હાઉસમાં સ્ટાફ સેક્રેટરી તરીકે કરાઈ નિમણુંક
• સ્ટાફ સેક્રેટરીના પદ પર આરૂઢ થનારી પહેલી અમેરિકન ભારતીય

સ્ટાફ સેક્રેટરીના પદ પર આરૂઢ થનારી પહેલી અમેરિકન ભારતીય

નીરા ટંડન હવે આ પદ પર આરૂઢ થનારી પહેલી અમેરિકન ભારતીય હશે. આ અગાઉ મે મહિનામાં નીરાની જો બાઈડનના વરિષ્ઠ સલાહકાર તરીકે નિમણુંક કરવામાં આવી હતી. વ્હાઈટ હાઉસના સ્ટાફ સેક્રેટરી પડદા પાછળ રહીને કામ કરે છે. પરંતુ તેમની ભૂમિકા ખૂબ મહત્વની હોય છે.  એક અધિકારીએ કહ્યું કે વ્હાઈટ હાઉસમાં સ્ટાફ સેક્રેટરીની ભૂમિકા કેન્દ્રીય તંત્રની જેમ છે. જે નિર્ણય લેવાની પ્રક્રિયાની આગળ વધારે છે અને રાષ્ટ્રપતિ માટે ઘણા મુદ્દાઓનું સંચાલન કરે છે.

વરિષ્ઠ સલાહકારના પદ પર રહેશે યથાવત

વ્હાઈટ હાઉસના એક અધિકારીના હવાલા દ્વારા જણાવવામાં આવ્યું કે ટંડન વ્હાઈટ હાઉસના વરિષ્ઠ સલાહકારના પોતાના પદ પર યથાવત રહેશે. જેમાં તેઓ રાષ્ટ્રપતિના ઘણાં મુદ્દાઓ પર સલાહ આપે છે. વોશિંગ્ટન પોસ્ટ મુજબ, ટંડન વ્હાઈટ હાઉસના સ્ટાફના ચીફ રોનાલ્ડ ક્લેનને રિપોર્ટ કરશે.

 

 

 

 

View this post on Instagram

 

 

 

 

 

 

 

 

 

 

 

A post shared by Neera Tanden (@neeratanden)

ટંડનની પાસે નીતિ અને સંચાલનમાં બે દાયકાથી વધુનો અનુભવ

ટંડનની પાસે નીતિ અને સંચાલનમાં બે દાયકાથી વધુનો અનુભવ છે, જે  વ્હાઈટ હાઉસમાં નીતિને વધુ મજબુત કરવાનું કામ કરશે. ડોમેસ્ટિક, આર્થિક અને રાષ્ટ્રીય સુરક્ષા નીતિમાં તેમનો અનુભવ આ નવી ભૂમિકામાં એક મહત્વપૂર્ણ સંપત્તિ હશે. વ્હાઈટ હાઉસના સ્ટાફ સચિવના રૂપમાં ટંડનની નિમણુંક આઠ મહિના બાદ થઈ. જ્યારે રિપબ્લિક સીનેટરોના કડક વિરોધના કારણે વ્હાઈટ હાઉસ ઓફિસ ઓફ મેનેજમેન્ટ એન્ડ બજેટના નિર્દેશકના રૂપમાં પોતાનું નામ પાછુ લીધુ.