ભારતમાં કોરોના રસીને લઈને એક ખુબ જ મહત્વપૂર્ણ જાહેરાત થઈ છે, રશિયાએ કહ્યું છે કે જો ભારતમાં તેની કોરોના વેક્સિનના ટ્રાયલ માટેની મંજૂરી મળી જય છે તો નવેમ્બરમાં ભારતમાં રસીનું પ્રોડક્શન અને વિતરણ શરુ કઈ શકાય છે. આ બાબતે RDIF ના CEOનું મહત્વપૂર્ણ નિવેદન સામે આવ્યું છે. નોંધનીય છે કે સ્પુતનિક 5 રસી માટે Dr. Reddy's લેબોરેટરી સાથે રશિયા પહેલા જ કરાર કરી ચૂક્યું છે.
ભારતને નવેમ્બરમાં મળી શકે છે રશિયાની કોરોના વેક્સિન સ્પુતનિક 5
ટ્રાયલની મંજૂરી મળે તો નવેબરમાં ભારતમાં પ્રોડક્શન અને વિતરણ : RDIF
રશિયાએ દુનિયાની પ્રથમ કોરોના રસી બનવાવવાનો કર્યો છે દાવો
સમાચાર અનુસાર, RDIF ભારતમાં ક્લિનિકલ ટ્રાયલ અને રસીના વિતરણ માટે Dr. Reddy's લેબોરેટરી ફાર્મા કંપની સાથે કરાર કરી ચૂક્યું છે. ભારતમાં આ કરાર મુજબ રશિયન કંપની Dr. Reddy's લેબોરેટરી કંપનીને 10 કરોડ રસી પહોંચાડશે. આ બાબતને લઈને તાજેતરમાં જ આ રસીને ફંડ દેનારી કંપની RDIF ના CEO કિરીલ દિમીત્રિવનું નિવેદન આવ્યું છે જેમાં તેમણે કહ્યું છે કે જો ભારતમાં ટ્રાયલની મંજૂરી મળે તો નવેમ્બરમાં રસીનું પ્રોડક્શન અને વિતરણ કરી શકાય છે.
નવેમ્બરમાં ભારતમાં ઉપલબ્ધ થશે
RDIF ના CEO કિરીલ દિમિત્રીવએ એક નિવેદનમાં જણાવ્યું છે કે જો ટ્રાયલ્સની મંજૂરી મળે અને સફળ થાય તો નવેમ્બર સુધીમાં આ રસી ભારતમાં મળી જશે. તેમણે કહ્યું કે Dr. Reddy's લેબોરેટરી રશિયામાં લગભગ 25 વર્ષથી વ્યવસાયિક હાજરી ધરાવે છે અને તે એક મોટી ભારતીય કંપની છે.
તેમણે દાવો કર્યો હતો કે હ્યુમન એડેનોવાયરસ ડ્યુઅલ વેક્ટર પ્લેટફોર્મ પર આધારિત રશિયન રસી ભારતમાં કોવિડ -19 સામેની લડત માટે કારગર હથિયાર પૂરવાર થશે. તેમણે કહ્યું કે છેલ્લા એક દાયકામાં રશિયામાં માનવ એડેનોવાયરસ ડ્યુઅલ વેક્ટર પ્લેટફોર્મની લગભગ 250 ક્લિનિકલ ટ્રાયલ્સ કરવામાં આવી છે અને તેના કોઈ પણ સંભવિત નકારાત્મક પરિણામો જોવા મળ્યા નથી.
ભારતમાં ત્રીજા તબક્કાનું પરીક્ષણ કરવામાં આવશે
Dr. Reddy's લેબોરેટરી ના મેનેજિંગ ડિરેક્ટર જી.વી.પ્રસાદે કહ્યું, આ રસીના ફેઝ 1 અને ફેઝ 2 નું પરીક્ષણ સફળ રહ્યું છે અને હવે અમે ભારતમાં તેના ત્રીજા તબક્કાની ટ્રાયલ્સ કરીશું, જેથી જરૂરી નિયમનકારી શરતોને પૂરી કરી શકાય.