Ind vs WI / IPLમાં તરખાટ મચાવનાર આ બૉલરની ટીમ ઈન્ડિયામાં થશે એન્ટ્રી! ધવનની કેપ્ટનશીપમાં કરી શકે છે ડેબ્યૂ

• વેસ્ટ ઈન્ડીઝ સામેની બીજી વન-ડેમાં આ ખેલાડીનો થયો સમાવેશ
• પહેલી વખત ભારતની વન-ડે ટીમમાં સામેલ થયો
• આ ખેલાડી કાતિલ બોલિંગ કરવા માટે પ્રખ્યાત 

કેપ્ટન શિખર ધવન સ્ટાર ખેલાડીનુ ડેબ્યુ કરાવી શકે

ભારતીય ટીમે પહેલી વન-ડે મેચ ખૂબ રોમાંચક અંદાજમાં જીતી હતી. પહેલી મેચમાં ઘણા ખેલાડીઓનું કંગાળ પ્રદર્શન રહ્યું હતુ. એવામાં કેપ્ટન શિખર ધવન એક સ્ટાર ખેલાડીનુ ડેબ્યુ કરાવી શકે છે. આ ખેલાડી કાતિલ બોલિંગ કરવા માટે પ્રખ્યાત છે.

આ ખેલાડીને પહેલી વખત મળી તક

વેસ્ટ ઈન્ડીઝ પ્રવાસ માટે આવેશ ખાનને ટીમમાં સ્થાન મળ્યું છે. આવેશ ખાન ઘણા શાનદાર ફોર્મમાં રમી રહ્યાં છે. તેમની પાસે એવી ક્ષમતા છે કે તેઓ થોડી બોલિંગમાં મેચની દિશા બદલી શકે છે. આવેશ ડેથ ઓવર્સમાં વધુ આક્રમક બોલિંગ કરવા માટે ઓળખાય છે. એવામાં તેમને પ્રસિદ્ધ કૃષ્ણાની જગ્યાએ સામેલ કરી શકાય છે.  

આવેશ ખાન કાતિલ બોલિંગ કરવામાં માહેર 

આવેશ ખાને ભારતીય ટીમ માટે 8 ટી-20 મેચમાં 7 વિકેટ લીધી છે. તેમની લાઈન અને લેન્થ ઘણી સારી છે અને તેઓ સારા ફોર્મમાં રમી રહ્યાં છે. તેમ છતા કેપ્ટન રોહિત શર્માએ ઈંગ્લેન્ડ પ્રવાસ પર  ટીમમાં જગ્યા નહોતી આપી. જ્યારે પ્રસિદ્ધ કૃષ્ણા ફોર્મમાં ના હોવા છતાં ટીમમાં જગ્યા આપવામાં આવી. આઈપીએલ 2022માં આવેશ ખાન લખનઉ સુપર જાયન્ટ્સની તરફથી રમે છે અને તેમણે પોતાની બોલિંગથી બધાને પ્રભાવિત કર્યા છે. 

બોલિંગથી કર્યા પ્રભાવિત

આવેશ ખાને છેલ્લાં થોડા સમયમાં પોતાની બોલિંગથી બધાનુ દિલ જીત્યુ છે. આવેશ ખાન અત્યારે માત્ર 25 વર્ષના છે. જો વેસ્ટ ઈન્ડીઝ પ્રવાસે સારું પ્રદર્શન કરે છે તો તેમને ટી-20 વર્લ્ડ કપમાં જગ્યા મળી શકે છે. તેમની પાસે અપાર પ્રતિભા છે, જે ભારતીય ટીમના કામ આવી શકે છે.