ભારતીય ટીમે પ્રથમ વન-ડે મેચમાં દક્ષિણ આફ્રિકા ટીમ તરફથી 31 રનથી હારનો સામનો કર્યો. કેએલ રાહુલની આગેવાનીમાં ઉતરેલી ભારતીય ટીમની નબળાઈઓ ફરી એક વખત આ મેચમાં સામે આવી છે. આ સાથે યજમાન ટીમે 3 મેચોની શ્રેણીમાં 1-0થી જીત મેળવી છે.
ભારતીય ટીમે પ્રથમ વન-ડે મેચમાં 31 રનથી હારનો સામનો કર્યો
પાકિસ્તાનના પૂર્વ ફાસ્ટ બોલર દાનિશ કનેરિયાનો વિવાદીત દાવો
મેચ દરમ્યાન ભારતીય ડ્રેસિંગ રૂમ 2 ગ્રુપમાં વહેંચાયો
દાનિશ કનેરિયાનો વિવાદીત દાવો
આ મેચ બાદ પાકિસ્તાનના પૂર્વ ફાસ્ટ બોલર દાનિશ કનેરિયાએ એક વિવાદીત દાવો કર્યો છે. કનેરિયાનું માનવુ છે કે મેચ દરમ્યાન ભારતીય ડ્રેસિંગ રૂમ 2 ગ્રુપમાં વહેંચાઈ ગયો હતો. પોતાના યુ-ટ્યુબ ચેનલ પર કનેરિયાએ કહ્યું કે મેચ દરમ્યાન આપણે જોયુ કે ભારતીય ડ્રેસિંગ રૂમ 2 ગ્રુપમાં વહેંચાઈ ગયો હતો. કેએલ રાહુલ અને વિરાટ કોહલી અલગ બેઠા હતા. આ સાથે કોહલી જ્યારે કેપ્ટન હતા અને જે મૂડમાં દેખાતા હતા તેવા આજે દેખાયા નહીં. કેએલ રાહુલ ભારતીય વન-ડે ટીમના વાઈસ કેપ્ટન છે. પરંતુ રોહિત શર્માની ગેરહાજરીમાં તેઓ આ શ્રેણીમાં ટીમની બાગડોર સંભાળી રહ્યાં છે. હાલમાં કોહલીએ ટેસ્ટની કેપ્ટનશિપ છોડી દીધી હતી. જ્યારે ડિસેમ્બરમાં તેમની પાસેથી વન-ડે ટીમની કેપ્ટનશિપ લઇ લેવામાં આવી હતી.
કેપ્ટન ટેમ્બા બાવૂમાની સદી
પહેલી વન-ડે મેચની વાત કરીએ તો કેપ્ટન ટેમ્બા બાવૂમા 110 અને રાસી વાન ડર દુસાનની સદીના કારણે સાઉથ આફ્રિકાએ નિર્ધારિત 50 ઓવરમાં 4 વિકેટના નુકસાને 296 રન બનાવ્યાં હતાં. 18મી ઓવરમાં 68 રન પર 3 વિકેટના નુકસાને આ જોડીએ ચોથી વિકેટ માટે 204 રન જોડ્યા હતા.