ભારતીય મહિલા ક્રિકેટ ટીમે વનડે સિરિઝમાં ઈંગ્લેન્ડના સુપડા સાફ કરી નાખ્યાં છે. અંતિમ વનડેમાં પણ ભારતે ઈંગ્લેન્ડને 16 રનથી પરાજય આપ્યો હતો.
ભારતીય મહિલા ક્રિકેટ ટીમની સિદ્ધિ
વનડે સિરિઝમાં ઈંગ્લેન્ડનો કર્યો વ્હાઈટ વોશ
અંતિમ વનડેમાં ઈંગ્લેન્ડને 16 રનથી આપ્યો પરાજય
23 વર્ષ બાદ ઈંગ્લેન્ડ સામે સિરિઝ જીતી ટીમ ઈન્ડીયા
ઝૂલણ ગોસ્વામીની 20 વર્ષની ક્રિકેટ કરિયર પૂરી
ભારતીય મહિલા ક્રિકેટ ટીમે મોટી સિદ્ધી પ્રાપ્ત કરી છે. અંગ્રેજોની ધરતી પર જ ઇંગ્લેન્ડના સૂપડા સાફ કર્યા છે. ભારતની જીત સાથે ઝૂલણ ગૌસ્વામીની ક્રિકેટમાંથી ભાવભિની વિદાય થઇ છે. ભારતીય મહિલા ક્રિકેટ ટીમે ત્રણ વનડે મેચોની સીરીઝમાં ઇંગ્લેંડને 3-0થી હરાવી દીધું છે. શનિવાર(24 સપ્ટેમ્બર)ને લૉર્ડ્સમાં સીરીઝની ત્રીજી અને અંતિમ મેચમાં ટીમ ઇન્ડિયાએ 16 રનથી જીત મેળવી છે. ભારતની દિગ્ગજ અને ફાસ્ટ બોલર ઝૂલન ગૌસ્વામીની આ અંતિમ આંતરરાષ્ટ્રીય મેચ હતી. કેપ્ટન હરમનપ્રીત કૌરની ટીમે અંગ્રેજોના સૂપડા સાફ કરી તેમને શાનદાર ભેટ આપી.
મેચમાં પહેલા બેટિંગ કરવા ઉતરેલી ભારતીય મહિલા ટીમ 45.4 ઓવરમાં 169 રન પર ઑલઆઉટ થઇ ગયા. જેના જવાબમાં ઇંગ્લેન્ડની ટીમે 43.3 ઓવરમાં 153 રન બનાવ્યા.
ઝૂલણને સાથી ખેલાડીઓ તરફથી અપાયું ગાર્ડ ઓફ ઓનર
ઝૂલણે તેમની અંતિમ મેચમાં બન્ને ટીમોના ખેલાડીઓને ગૉર્ડ ઑફ ઓનર આપ્યું. આ સિવાય હરમનપ્રીત કૌર તેમને ટૉસ માટે સાથે લઇને ગઈ. હરમનપ્રીત સહિત તમામ ખેલાડી ભાવુક જોવા મળ્યા. ઝૂલણની આ છેલ્લી વનડે હતી તે હવે નિવૃત થશે.
ઝૂલણે છેલ્લી મેચમાં 2 વિકેટ ઝડપી
અંતિમ મેચમાં ઝૂલણના પ્રદર્શનની વાત કરીએ તો બેટિંગમાં તે પહેલા બોલ પર ખાતું ખોલ્યા વગર આઉટ થઇ ગઇ. ત્યારે, બોલિંગમાં તેમને 10 ઓવરમાં 30 રન આપીને 2 વિકેટ ઝડપી. ઝૂલણે વનડે કરિયરમાં 255 વિકેટ લીધી. ટેસ્ટમાં તેમની 44 અને ટી20માં 56 વિકેટ છે. આ રીતે ઝૂલણે પોતાના કરિયરનો અંત કુલ 284 આંતરરાષ્ટ્રીય મેચોમાં 355 વિકેટની સાથે કર્યો.
કોણે કેટલા રનનું આપ્યું યોગદાન
ભારત અને ઈંગ્લેન્ડ મહિલા ક્રિકેટ ટીમની વચ્ચે ત્રણ મેચની વનડે સિરિઝની અંતિમ મેચ આજે લંડનના ઐતિહાસિક લોર્ડ્સ ગ્રાઉન્ડ પર રમાઈ હતી. ભારતે પહેલા બેટિંગ કરીને 45.4 ઓવરમાં તમામ વિકેટ ગુમાવીને 169 રન બનાવ્યાં હતા. ઓપનર સ્મૃતિ મંધાનાએ 79 બોલમાં 50 જ્યારે દીપ્તિ શર્માએ 106 બોલમાં અણનમ 68 રન ફટકારીને કમબેક કર્યું હતુ. પૂજા વસ્ત્રાકરે 38 બોલમાં 22 રનનું યોગદાન આપ્યું હતું. ઇંગ્લેન્ડ તરફથી કેટ ક્રોસે 4 વિકેટ લીધી હતી.
#ENGvIND | India women's team beat England by 16 runs in the third ODI and clinch the 3-match series by 3-0
ઝૂલણ ગોસ્વામીની 20 વર્ષની ક્રિકેટ કરિયર પૂરી
ભારતીય ટીમ 3 મેચની વન-ડે શ્રેણી જીતી ચૂકી છે. હરમનપ્રીત કૌરની કેપ્ટન્સી હેઠળની ભારતીય ટીમે ઘરઆંગણે 23 વર્ષ બાદ ઈંગ્લેન્ડને વન ડે શ્રેણીમાં હરાવ્યું છે. ઝુલણ ગોસ્વામીની 20 વર્ષની ક્રિકેટ કારકિર્દીનો હવે અંત આવી જશે. વિમેન્સ વન-ડે વર્લ્ડ કપમાં 40 વિકેટ ઝડપવાનો રેકોર્ડ ઝુલણના નામે છે. જ્યારે મહિલા વન ડેમાં પણ તે સૌથી વધુ વિકેટ ઝડપવાના મામલે ટોપ પર છે.