Big News / સ્વિસ બૅંકનો મોટો ખુલાસોઃ ભારતને સોંપશે બ્લેક મની જમા કરાવનારાઓનું લિસ્ટ, આંકડો ચોંકાવનારો

આ પગલાને લઈને કેન્દ્રીય પ્રત્યક્ષ કર બોર્ડ (CBDT - Central Direct Tax Board)એ કહ્યું કે 'બ્લેક મની વિરુદ્ધ સરકારની લડાઈમાં એક મહત્વપૂર્ણ પગલું છે અને સ્વિસ બૅંકોની ગોપનીયતાના યુગનો આખરે સપ્ટેમ્બરથી અંત આવી જશે' CBDT આવકવેરા વિભાગ માટે નીતિ બનાવે છે. ત્યારે CBDTએ જણાવ્યું કે ભારતે સ્વિટ્ઝર્લેન્ડમાં ભારતીય નાગરિકોના વર્ષ 2018માં બંધ કરાયેલા ખાતાઓની પણ જાણકારી મળશે. 

CBDTનું કહેવું છે કે સૂચના આદાન-પ્રદાનની વ્યવસ્થા શરૂ થવાના ઠીક પહેલા ભારત આવેલા સ્વિટ્ઝર્સલેન્ડના એક પ્રતિનિધમંડળે રાજસ્વ સચિવ A B પાંડે, બોર્ડના ચૅરમેન પી.સી મોદી અને બોર્ડના સદસ્ય અખિલેશ રંજન સાથે બેઠક કરી. 29-30 ઓગસ્ટની વચ્ચે આવેલા આ પ્રતિનિધિમંડળની આગેવાની સ્વિટ્ઝર્લેન્ડના આંતરરાષ્ટ્રીય નાણાંકીય મામલાઓના રાજ્ય સચિવાલયમાં કર વિભાગમાં ઉપપ્રમુખ નિકોલસ મારિયોએ કરી હતી.

કેટલું છે બ્લેક મની?

આ વર્ષે લોકસભામાં જૂન મહિનામાં નાણાં પર સ્ટેન્ડિંગ કમિટીનો એક રિપોર્ટ રજૂ કરાયો હતો. જેના મુજબ વર્ષ 1980થી વર્ષ 2010ની વચ્ચે 30 વર્ષ દરમ્યાન ભારતીયો દ્વારા આશરે 246.48 અબજ ડોલર એટલે કે આશરે 17,25,300 કરોડ રૂપિયાથી લઈને 490 અબજ ડોલર એટલે કે 34,30,3000 કરોડ રૂપિયાની વચ્ચે  કાળું નાણું દેશની બહાર મોકલાયું છે.