વાહ! / ક્રિકેટ : WTC રૅન્કિંગમાં ભારત પ્રથમ ક્રમે, બીજા નંબર પર આ બે દેશ વચ્ચે ટાઈ

• ભારતીય ટીમે WTC પોઇન્ટ ટેબલમાં ટોચનું સ્થાન મેળવ્યું
• પાકિસ્તાન પોઇન્ટ ટેબલમાં બીજા સ્થાને
• વેસ્ટ ઇન્ડિઝ પણ 50 પોઇન્ટ સાથે બીજા સ્થાને 

ઇંગ્લેન્ડ વિરુદ્ધ રમાનાર બે મૅચમાં ભારતના 14 પોઇન્ટ થઇ ગયા હતા. એક મૅચ જીતવા અને બીજી ડ્રો થયા બાદ ભારતીય ટીમના પોઇન્ટ 58.33 છે. ઇંગ્લેન્ડ 2 પોઇન્ટ સાતે ચોથા સ્થાન પર છે જે તેણે ટ્રેન્ટ બ્રીજ ટેસ્ટમાં મેળવ્યા હતા. 

પાકિસ્તાને મંગળવારે સબીના પાર્કમાં વેસ્ટઇન્ડિઝને પાંચમા દિવસે 219 રન પર આઉટ કરીને 2 મૅચની સિરીઝ બરાબર કરી લીધી હતી અને 12 પોઇન્ટ મેળવ્યા હતા. તે પહેલા વેસ્ટઇન્ડિઝે પહેલા ટેસ્ટમાં તે જ સ્થાન પર પાકિસ્તાન વિરુદ્ધ 12 WTC પોઇન્ટ પોતાના હિસ્સે કર્યા હતા. 

હાલમાં ચાલી રહેલી ઇંગ્લેન્ડ અને ભારત વચ્ચેની ટુર્નામેન્ટમાં પહેલી ટેસ્ટમાં ડ્રો સમાપ્ત થયો પરંતુ ભારતે લોર્ડ્સ ક્રિકેટ ગ્રાઉન્ડ પર બીજી ગેમને 151 રનોથી અવિશ્વસનિય વાપસી કરી હતી. બંને પક્ષ હવે લીડ્સના હેડિંગ્લેમાં બુધવારે આમને સામને હશે. 

બીજી ટેસ્ટની જીત બાદ હવે તે જોવાનું રહેશે કે સિરીઝ ભારત ન હારે. બેટ્સમેન ક્રોલી અને સિબલીને ગયા અઠવાડીયે ઇંગ્લેન્ડની ટીમથી બહાર કરી દેવામાં આવ્યા હતા અને ફાસ્ટ બોલર માર્ક પણ સોમવારની મૅચમાંથી બહાર થઇ ગયો હતો. 

ઇંગ્લેન્ડની પ્લેઇંગ 11માં ઘણા નવા ચહેરા સામે આવશે તેવી આશા છે. ભારત માટે સવાલ તે છે કે શું ઇંગ્લેન્ડની ટીમ ત્રીજી ટેસ્ટમાં સ્ટ્રેટેજી બદલશે કે નહી.