તહેવારની સીઝનની પહેલા દેશમાં કોલસાનું સંકટ વધી રહ્યું છે. તેવામાં હવે ગુજરાતમાં અંધારપટ્ટ છવાય તેવી સ્થિતિ સર્જાઇ રહી છે. જાણો વિગતે...
નવરાત્રી વખતે જ ખેડૂતોને સહન કરવો પડશે વીજકાપ!
ઉત્તર ગુજરાત અને મધ્ય ગુજરાત, સૌરાષ્ટ્રમાં વીજકાપની શક્યતા
કોરોના મહામારી બાદ કોલસાની માંગ વધી, ઉત્પાદન ઘટ્યું
સમગ્ર દેશ સાથે ગુજરાતમાં વીજળીની સમસ્યા સર્જાતા વીજકાપની સ્થિતિ સર્જાઇ છે. દેશમાં થર્મલ પાવાર સ્ટેશનો પાસે માત્ર 4 દિવસ ચાલે એટલો જ કોલસાનો જથ્થો છે. ત્યારે હવે નવરાત્રી વખતે જ ગુજરાતમાં કોલસાની સમસ્યા સર્જાતા વીજકાપની સ્થિતિ સર્જાઇ છે.
ઉત્તર ગુજરાત અને મધ્ય ગુજરાત, સૌરાષ્ટ્રમાં વીજકાપની શક્યતા
આ અંગે ઉત્તર ગુજરાત અને મધ્ય ગુજરાત, સૌરાષ્ટ્રમાં વીજકાપ રહેવાની શક્યતા છે. PGVCL અને UGVCL દ્વારા ગામડાના સરપંચોને જાણ કરવામાં આવી છે. કોલસાની અછત પૂર્ણ ન થાય ત્યાં સુધી વીજકાપ રહેશે. બપોરના સમયે ઉત્તર-મધ્ય ગુજરાત અને સૌરાષ્ટ્રના ગામમાં વીજકાપ રહેશે. બનાસકાંઠા, પાટણ, મહેસાણા, સાબરકાંઠા સહિતના વિસ્તારોમાં કાપની શક્યતા છે. વીજ જનરેનેટ પ્લાન્ટ બંધ હોવાથી વીજકાપ રહેશે. જોકે રાજ્યના અન્ય વિસ્તારોમાં પણ વીજકાપની શક્યતાઓ જણાઇ રહી છે. જોકે, વીજ કાપ અંગે હાલ કોઈ જાહેરાત કરવામાં આવી નથી. ગુજરાતના ખેતી ફીડર બંધ કરાયા છે. કોલસાની અછતને લઇ જ્યોતિગ્રામ ફીડરોને પણ કાપવાની જરૂર પડી છે. કોલસાની અછતને કારણે પૂરતી વીજળી આપી શકતા નથી. વીજકાપ શરૂ ન થાય તો મોટી કટોકટી આવી શકે છે. તો મુશ્કેલીમાં મુકાતા ગામડાના લોકો ટ્વિટ કરીને લાઇટ શરૂ કરવાની માંગ કરી રહ્યા છે.
@Bhupendrapbjp સાહેબ ખેતર માં લાઇટ નથી , બાળકો સોતા નથી અને રોવે છે પાલનપુર રૂરલ લક્ષમણ પુરા ફીડર માં કઈક કરો ugvcl ઓફિસ કઈ જવાબ આપતા નથી . કઈક કરો સાહેબ. ખેડૂત સામે પણ કંઈક જુવો.આમતો ગણાય ટ્વીટ ના જવાબ આપો કછો કઈક કરો.સાહેબ.આતો રોજના હડમાળા છે.સાહેબ.
— #just find yourself that's it. (@Sirajghori) October 5, 2021
કોલસનાની માંગ વધી, ઉત્પાદન ઘટ્યું
કોલસાની અછત માટે ભારત સામે મુખ્ય બે પડકારો છે. તેમજ કોરોના મહામારી બાદ ઔદ્યોગિક માંગમાં મોટો ઉછાળો આવ્યો છે. તેમજ સ્થાનિક કોલસાના ઉત્પાદનમાં ધટાડો નોંધાયો છે.
કોલસાની અછત 6 મહિના સુધી રહેવાની શક્યતા
ભારતમાં કોલસાની 75 ટકા જરૂરિયાત સ્થાનિક ખાણો દ્વારા પૂરી કરાય છે. ભારે વરસાદના કારણે ખાણોમાં પાણી ભરાતા હોય છે. આ પાણી ભરાતા હોવાથી મહત્વના માર્ગો બંધ થવાથી કોલસાની અછત સર્જાય છે. આથી કોલસાની અછત 6 મહિના સુધી રહેવાની શક્યતા છે.