ટ્રમ્પ પ્રશાસને અમેરિકન કોંગ્રેસને જણાવ્યું છે કે તેઓએ ભારતને એક અરબ અમેરિકન ડોલરની કિંમતની નૌસેના તોપનું વેચાણ કરવાનો નિર્ણય લીધો છે. આ પ્રસ્તાવિત વેચાણની સાથે ભારત એ પસંદિદા દેશોની યાદીમાં સામેલ થઇ જશે, જેને અમેરિકાએ પોતાની નૌ સેના તોપની નવીનત્તમ (Mod 4) નું વેચાણ કરવાનો નિર્ણય લીધો છે.
ભારત અમેરિકા પાસેથી ખરીદશે MK-45 તોપ
71 હજાર કરોડની MK-45 તોપ ખરીદશે
અમેરિકી રાષ્ટ્રપતિ ડોનાલ્ડ ટ્રમ્પે આપી મંજૂરી
આ તોપનો ઉપયોગ યુદ્ધ જહાજ તેમજ યુદ્ધ વિમાનો વિરુધ્ધ અને તટીય વિસ્તારમાં બોમ્બિંગ કરવા માટે કરાય છે. આ નિર્ણયથી ભારતીય નૌસેનાની ઘાતક ક્ષમતામાં વધારો થશે.
રક્ષા સુરક્ષા સહયોગ એજન્સીએ મંગલવારે જારી કરેલી અધિસુચનામાં જણાવ્યું છે કે 13 MK-45 પાંચ ઇંચ/62 કેલિબર (MOD 4) નૌ સેનિક તોપ અને તેમને સંબંધિત ઉપકરણોની પ્રસ્તાવિત વિદેશી સૈન્ય વેચાણની અંદાજી કિંમત 1.0210 અરબ ડોલર છે.
ભારત અને અમેરિકા વચ્ચે સંરક્ષણ મુદ્દે કરાર થયા છે. જેમાં ભારત અમેરિકા પાસેથી MK-45 તોપ ખરીદશે. જેની અંદાજે કિંમત 71 હજાર કરોડ થશે. જેને અમેરિકાના રાષ્ટ્રપતિ ડોનાલ્ડ ટ્રમ્પ પ્રશાસને મંજૂરી આપી છે. આ તોપનો ઉપયોગ યુદ્ધ જહાજ, ફાઇટર પ્લેન અને જમીનથી કરી શકાશે.
રક્ષા મિશન સંચાલન કરવામાં મળશે સહયોગ
અધિસુચનામાં લખ્યું છેકે MK-45 ગન સિસ્ટમથી ભારતને અમેરિકા અને અન્ય સંબંધ દળો સાથે અંતરક્ષમતા વધારવાની સાથે એન્ટી-સર્ફેસ યુધ્ધ અને એન્ટી-એર રક્ષા મિશનનું સંચાન કરવાની ક્ષમતા મળશે.
હજુ કાયદાકીય મંજૂરી મળવાની બાકી
જોકે, ટ્રમ્પ પ્રશાસન દ્વારા આપવામાં આવેલી સુચનાનો મતલબ એ નહીં કે આ ડીલ મંજૂર થઇ ગઇ છે. આ ડીલ ફાઇનલ કરવા માટે તેને કાયદાકીય મંજૂરી પણ મળવી જરૂરી છે. હજુ સુધી અમેરિકાએ આ તોપોને ઓસ્ટ્રેલિયા, જાપાન અને દક્ષિણ કોરિયાને જ વેચાણ કર્યું છે.