જંગ / રશિયા-યુક્રેન કટોકટી મામલે ભારત સરકાર એલર્ટ, PM મોદીની હાઈ લેવલ મીટિંગમાં લેવાયો મોટો નિર્ણય

• રશિયા-યુક્રેન કટોકટી મામલે PM  એક્શનમાં
• હાઈલ લેવલ મીટિંગ કરીને ચર્ચા કરી
• મોદી પુતિનને ફોન કરશે

રશિયા-યુક્રેન કટોકટી મામલે ભારત સરકાર એલર્ટ થઈ છે. આ મુદ્દે પ્રધાનમંત્રી મોદીએ એક હાઈ લેવલ બેઠક બોલાવી હતી. બેઠકમાં યુક્રેન અને રશિયા વચ્ચેના વોર સંબંધિત ચર્ચા થઈ. પ્રધાનમંત્રી મોદી આજે રાત રશિયન પ્રેસિડન્ટ પુતિન સાથે ફોન પર વાત પણ કરવાના છે તેવું જણાવાઈ રહ્યું છે. 
બેઠકમાં કેન્દ્રીય ગૃહમંત્રી અમિત શાહ, રક્ષા મંત્રી રાજનાથ સિંહ સહિત, રાષ્ટ્રીય સુરક્ષા સલાહકાર અજીત ડોભાલ, પ્રધાનમંત્રી કાર્યાલય અને વિદેશ મંત્રાલયના અધિકારીઓ સહિત કેટલાક મંત્રીઓ હાજર રહ્યાં હતા. 

#WATCH Prime Minister Narendra Modi chairs meeting of the Cabinet Committee on Security (CCS) pic.twitter.com/9lvHMRi1bT

— ANI (@ANI) February 24, 2022

પીએમ મોદી પુતિન સાથે ફોન પર વાત કરશે
સૂત્રોના જણાવ્યાનુસાર પીએમ મોદી આજે રાષ્ટ્રપતિ વ્લાદિમીર પુતિનને ફોન કરશે અને ત્યાંની સ્થિતિના હાલચાલ જાણશે. પીએમ મોદી ભારતીયોની સુરક્ષાને લઈને પણ વાત કરશે તેવું પણ સૂત્રોએ જણાવ્યું હતું. 

યુક્રેનમાં ફસાયેલા ભારતીયોની સુરક્ષા ચિંતાનો વિષય
રશિયાના હુમલાથી દુનિયાની અર્થવ્યવસ્થા તબાહ થઈ ગઈ છે. કાચા તેલની કિંમતમાં નોંધપાત્ર ઉછાળો જોવા મળ્યો છે. બીજી તરફ બંને દેશો વચ્ચે યુદ્ધ શરૂ થયા બાદ ભારત સરકાર પણ એક્શનમાં આવી છે. જણાવવામાં આવી રહ્યું છે કે આજે પીએમ મોદી પોતાના નિવાસ સ્થાને ઈમરજન્સી બેઠક કરશે. આ બેઠકમાં સંરક્ષણ પ્રધાન રાજનાથ સિંહ અને અન્ય લોકો હાજર રહેશે. માનવામાં આવી રહ્યું છે કે આ બેઠકમાં યૂક્રેનમાં ફસાયેલા ભારતીયોની જલ્દી વાપસી અને સુરક્ષા માટે બેઠક થઈ શકે છે.