નિવેદન / રસીકરણમાં ભારતનું અમૂલ્ય યોગદાન, દુનિયાભરમાં 60 ટકા વેક્સિન્સ એકલા હાથે પૂરી પાડે છે: નિર્મલા સિતારમણ

• ઇન્ડિયાઝ વેક્સિન ગ્રોથ સ્ટોરી પુસ્તકના વિમોચન પ્રસંગે નિર્મલા સીતારમણનું મોટું નિવેદન 
• વિશ્વમાં ઉપયોગમાં લેવાતી તમામ રસીઓમાં 60 ટકા હિસ્સો ભારતનો: કેન્દ્રીય નાણામંત્રી
• દાયકાઓથી ભારતે વિશ્વના રસીકરણ અભિયાનમાં નોંધપાત્ર યોગદાન આપ્યું: સીતારમણ

કેન્દ્રીય નાણામંત્રી 'ઇન્ડિયાઝ વેક્સિન ગ્રોથ સ્ટોરી'નું વિમોચન કરતી વખતે એક મોટું નિવેદન આપ્યું છે. નિર્મલા સીતારમણે કહ્યું હતું કે, વિશ્વમાં ઉપયોગમાં લેવાતી તમામ રસીઓમાં 60 ટકા હિસ્સો ભારતનો છે. તેમણે કહ્યું કે, દાયકાઓથી ભારતે વિશ્વના રસીકરણ અભિયાનમાં નોંધપાત્ર યોગદાન આપ્યું છે. તેમણે કહ્યું કે, ભારત આજે દરેક નાગરિકને ડબલ ડોઝ આપી રહ્યું છે અને લોકડાઉન દરમ્યાન પણ દેશે કોવિડ-19 રસીઓનું ઉત્પાદન કર્યું છે.

ઇન્ડિયાઝ વેક્સિન ગ્રોથ સ્ટોરીનું વિમોચન 

નાણા વિભાગના અધિક સચિવ સજ્જન સિંહ યાદવ દ્વારા પુસ્તક 'ઇન્ડિયાઝ વેક્સિન ગ્રોથ સ્ટોરી'નું વિમોચન કરવામાં આવ્યું છે. આ પ્રસંગે સંબોધન કરતી વખતે કેન્દ્રીય નાણામંત્રી નિર્મલા સીતારમણે કહ્યું કે, વિશ્વ રસીકરણમાં યોગદાન આપવું તે દેશના ડીએનએમાં છે. "ભારતે દાયકાઓમાં નોંધપાત્ર યોગદાન આપ્યું છે.

In the context of infectious diseases having a huge impact on productivity and economy, #vaccines manufactured in India make a significant contribution in #EconomicGrowth and development across the world. (6/9)

— Ministry of Finance (@FinMinIndia) August 17, 2022

વિશ્વમાં વપરાતી તમામ રસીઓમાંથી લગભગ 60 ટકા ભારતમાં બને છે. રસીકરણના સંદર્ભમાં વિશ્વમાં ભારતનું યોગદાન અજોડ છે. 

The book also dwells on the changed perception of world towards a new India, which is leading the globe in many areas. #Vaccines are one such sector where India has become an undisputed leader. (8/9)

— Ministry of Finance (@FinMinIndia) August 17, 2022

આ સાથે સીતારમણે કહ્યું કે, આજે દેશમાં દરેક નાગરિકને ડબલ ડોઝ આપવામાં આવી રહ્યો છે અને આટલા મોટા પાયા પર રસીનું ઉત્પાદન કરવું અને લોકોને ડોઝ આપવો સરળ નથી. ભારતે સમયબદ્ધ રીતે 200 કરોડ કોવિડ રસીકરણના લક્ષ્યાંકને વટાવી દીધું છે. દેશવ્યાપી રસીકરણ અભિયાન હેઠળ, કોવિડ-19 રસીના 208.57 કરોડ ડોઝ અત્યાર સુધીમાં આપવામાં આવ્યા છે.