મુશ્કેલીના એંધાણ / શ્રીલંકા સામે મેચ પહેલા ટીમ ઈન્ડિયાને ડબલ ઝટકો: બે ખેલાડી થયા 'OUT', BCCIએ કર્યું કન્ફર્મ

• શ્રીલંકા સામે ટી-20 શ્રેણી શરૂ થતા પહેલા ભારતીય ટીમને લાગ્યો ઝટકો
• દીપક ચાહર બાદ સુર્યકુમાર યાદવ પણ ઈજાના કારણે શ્રેણીમાં રમશે નહીં
• BCCIએ કરી પુષ્ટિ, વિન્ડીઝ સામેની મેચમાં ફિલ્ડીંગ દરમ્યાન થઇ હતી ઈજા

હવે સુર્યકુમાર યાદવ પણ ઈજાના કારણે શ્રેણીમાં રમશે નહીં

સુર્યકુમારના હાથમાં હેયરલાઈન ફ્રેક્ચર થયુ છે, જ્યારે ચાહરને વેસ્ટ ઈન્ડીઝ સામે અંતિમ ટી-20 મેચમાં બોલિંગ દરમ્યાન હેમસ્ટ્રિંગમાં ઈજા થઇ હતી. ક્રિકબઝના રિપોર્ટ મુજબ, સુર્યકુમારે શ્રેણી પહેલા લખનઉમાં પ્રેક્ટિસ  મેચમાં ભાગ લીધો હતો. પરંતુ હવે તેને અનફિટ જાહેર કરી દેવામાં આવ્યો છે. 

🚨 UPDATE 🚨: Deepak Chahar and Suryakumar Yadav ruled out of @Paytm #INDvSL T20I Series. #TeamIndia

More Details 🔽

— BCCI (@BCCI) February 23, 2022

વિન્ડીઝ સામે ત્રીજી ટી-20 મેચમાં ફિલ્ડીંગ દરમ્યાન થઇ હતી ઈજા

બીસીસીઆઈ મુજબ, 31 વર્ષીય સુર્યકુમારને વિન્ડીઝ સામે ત્રીજી ટી-20 મેચમાં ફિલ્ડીંગ દરમ્યાન ઈજા થઇ હતી. બીસીસીઆઈની પ્રેસ રિલીઝમાં કહેવામાં આવ્યું છે કે આ બંને ખેલાડી  રાષ્ટ્રીય ક્રિકેટ એકેડમીમાં પોતાનું રિહેબિલિટેશન પૂર્ણ કરશે. સ્નાયુઓ ખેંચાતા હોવાથી ફાસ્ટ બોલર દીપક ચાહર આગામી શ્રેણીમાંથી બહાર છે. અધિકારીએ આ સાથે એવુ પણ જણાવ્યું કે ભારતીય ટીમે દીપક ચાહરના રિપ્લેસમેન્ટ તરીકે કોઈ અન્ય ખેલાડીની માંગ કરી નથી. તેમણે કહ્યું, અધિકારીએ કહ્યું ટીમે કોઈ વિકલ્પ માંગ્યો નથી. કારણકે વાઈસ કેપ્ટન જસપ્રીત બુમરાહ પહેલેથી જ ટીમમાં સામેલ થઇ ગયા છે. તો બાયો-બબલ પ્રોટોકોલના કારણે સૂર્યકુમારના રિપ્લેસમેન્ટ તરીકે ટીમમાં કોઈનો સમાવેશ નહીં કરાય. કારણકે ભારતની પાસે પહેલાથી જ પૂરતા બેકઅપ વિકલ્પ રહેલા છે.

ભારતીય ટી-20 ટીમ

રોહિત શર્મા (કેપ્ટન), ઋતુરાજ ગાયકવાડ, શ્રેયસ ઐયર, સંજૂ સેમસન, ઈશાન કિશન (વિકેટ કીપર), વેન્કટેશ ઐયર, દીપક હુડ્ડા, રવિન્દ્ર જાડેજા, યુઝવેન્દ્ર ચહલ, રવિ બિશ્નોઈ, કુલદીપ યાદવ, મોહમ્મદ સિરાજ, ભુવનેશ્વર કુમાર, હર્ષલ પટેલ, જસપ્રીત બુમરાહ (વાઈસ કેપ્ટન), અવેશ ખાન.