દરોડા / MPના મુખ્યમંત્રી કમલનાથના અંગત સચિવના ઘરે IT વિભાગના દરોડા, 9 કરોડ રોકડા મળ્યા

આવકવેરા વિભાગની ટીમે મધ્યપ્રદેશના મુખ્યમંત્રી કમલનાથના અંગત સચિવ પ્રવિણ કક્કડના ઘરે દરોડા પાડ્યા હતા. મોડી રાત્રે 3 વાગે અધિકારીઓની ટીમે વિજય નગરમાં ઘર નંબર 74માં આવેલા મકાનમાં દરોડા પાડ્યા હતા. સાથે જ વિજય નગરમાં આવેલા શોરૂમ સહિત અન્ય સ્થાનોમાં પણ આવકવેરા વિભાગના અધિકારીઓ સર્ચ કરી રહ્યા છે.
મળતી માહિતી મુજબ આવક વેરા વિભાગની ટીમ દ્વારા દિલ્હી અને મધ્યપ્રદેશમા દરોડા પાડવામા આવ્યા હતા. મધ્યપ્રદેશના CMના અંગત સચિવના ઘરે રાતે 3.15 વાગે અધિકારીઓએ સર્ચ ઓપરેશન શરૂ કર્યુ હતું. અત્યાર સુધી અધિકારીઓને 9 કરોડ રૂપિયાની રોકડ રકમ મળી આવી હતી.
 

Indore: Income-Tax officials from Delhi are conducting a raid at the Vijaynagar residence of OSD to Madhya Pradesh CM, Praveen Kakkar, since 3 am today. #MadhyaPradesh pic.twitter.com/vm7HC15HzU

— ANI (@ANI) April 7, 2019

ઉલ્લેખનીય છે કે, પ્રવિણ કક્કડ પોલીસ વિભાગમાં રહેતા હતા ત્યારે રાષ્ટ્રપતિ પુરસ્કારથી સમ્માનિત પણ કરવામાં આવ્યા હતા. ત્યાર બાદ તેમણે 2004માં તેમણે નોકરી છોડી હતી. કોંગ્રેસના નેતા અને પૂર્વ કેન્દ્રીય મંત્રી કાંતિલાલ ભૂરિયાના ઓએસડી બન્યા હતા. ડિસેમ્બર 2018માં તેઓ MP મુખ્યમંત્રી કમલનાથના અંગત સચિવ બન્યા હતા.