વાહ / મા ઈ મા! નદી પાર કરતા ડૂબવા લાગ્યું બચ્ચુ, જીવના જોખમે હાથણીએ જુઓ કેવી રીતે બચાવ્યો જીવ, VIDEO વાયરલ

• હાથણીનુ સમૂહ નદી પાર કરી રહ્યું છે
• પાણીના ધસમસતા પ્રવાહમાં હાથણીના બચ્ચાએ ગુમાવ્યું સંતુલન
• હાથણીએ પોતાના જીવની પરવાહ કર્યા વગર બચ્ચાને બચાવ્યું 

હાથણી તેના બચ્ચા માટે બની સુરક્ષાકવચ

એક વખત માં બન્યા બાદ તેના બચ્ચા જ તેની આખી દુનિયા હોય છે. પોતાના બચ્ચાનુ જીવન અને સુરક્ષા માટે એક માં કશુ પણ કરી શકે છે. ભલે તેના માટે પોતાનો જીવ જોખમમાં કેમ ના નાખવો પડે.  પ્રકૃતિએ દરેક પ્રજાતિની માં ને આવી જ બનાવી છે. જે પોતાના બચ્ચા માટે સુરક્ષાકવચની જેમ બની જાય છે. ધરતી પર આનાથી સુંદર કોઈ સંબંધ છે પણ નહીં. 

બચ્ચા માટે હાથણીએ પોતાના જીવની પરવાહ પણ ના કરી

Wildlife viral series માં બતાવે છે કે કેવીરીતે હાથણીએ નદીમાં ડૂબતા પોતાના બચ્ચાને બચાવવા માટે પોતાના જીવની પરવાહ પણ ના કરી.  IFS Parveen Kaswan એ તેના ટ્વિટર પેજ પર એક વીડિયો શેર કર્યો. જેમાં નદી પાર કરતા  હાથણીના સમૂહમાંથી એક બચ્ચુ પાણીના ધસમસતા પ્રવાહમાં આમતેમ ડોલે છે અને ડૂબવા લાગે છે, તો માંએ એકલા જ તેને બચાવવાનુ બીડુ ઉઠાવી લીધુ. 

Mother elephant saving calf from drowning is the best thing you watch today. Video was shot near Nagrakata in North Bengal. Via WA. pic.twitter.com/aHO07AiUA5

— Parveen Kaswan, IFS (@ParveenKaswan) June 25, 2022

પાણીના ધસમસતા પ્રવાહમાં ડૂબવા લાગ્યું બેબી હાથી

વીડિયો બંગાળના નાગરકાટાનો છે.  જ્યાં એક-બે નહીં, પરંતુ હાથીનો એક મોટો સમૂહ છે, જે એક સાથે નદીના ધસમસતા પ્રવાહમાં નદી પાર કરી રહ્યાં છે. હાથી હાલમાં ધરતીનુ સૌથી મહાકાય પ્રાણી છે. એવામાં નદી કિનારો તેનુ કશુ બગાડી શકે તેમ નથી. તેથી બધા સરળતાથી નદીની બીજી બાજુ જતા રહ્યાં. પરંતુ સમૂહમાં હાથીનુ એક બચ્ચુ પણ હતુ. જે ખૂબ નાનુ હતુ. પાણીના ધસમસતા પ્રવાહમાં તેના પગનુ બેલેન્સ ગયુ અને પછી બચ્ચુ સંતુલન બનાવી શક્યુ નહીં. તો માંએ પોતાનો જીવ જોખમમાં નાખીને બચ્ચાને બચાવ્યું.