વ્યંગ રંગ / વડોદરાના સ્નેહમિલનમાં પાટીલનો હળવા મૂડમાં ટોણો, કહ્યું- હું તો કોંગ્રેસનું નામ પણ નથી લેતો, કારણ કે...

• વડોદરા ભાજપનો સ્નેહમિલન કાર્યક્રમ 
• પ્રદેશ પ્રમુખ પાટીલે કહ્યું કોંગ્રેસ નામશેષ 
• ડ્રગ્સ કાંડ કોંગ્રેસ સાશિત રાજ્યોમાં વધુ 

વડોદરામા ભાજપના સ્નેહ મિલન કાર્યક્રમ દરમિયાન પ્રદેશ ભાજપ પ્રમુખ સી.આર પાટીલે પાર્ટી સંગઠનના વખાણ કરતા કહ્યું કે,ભાજપ કાર્યકરોનું માનવ મહેરામણ ઉમટ્યો છે. નથી અત્યારે ચૂંટણીનો માહોલ કે નથી મોદી સાહેબ જેવા વક્તા આ જ શીખવાનું છે અન્ય રાજ્યના પ્રદેશ કાર્યકરોએ ગુજરાત ભાજપ પાસેથી. ગુજરાત ભાજપનું આ કેવું સંગઠન જે આટલું મજબૂત છે? તેમ કહી પાટીલે ગુજરાતમાંથી પ્રેરણા લેવા અન્ય રાજ્યોને ટકોર કરી હતી.

કાશ્મીરમાં કલમ હટાવી,એક ગોળી ફૂટી નહિ; પાટીલ 
 
વડોદરામાં સ્નેહ મિલન કાર્યક્રમમાં પાટીલે ઉમેર્યું કે,નરેન્દ્ર મોદી પ્રત્યે લોકોને વિશ્વાસ છે આપણે નાની મોટી ભૂલ કરીએ,  ત્યારે લોકો ગુસ્સામાં હોય છે. તેમ છતાં નરેન્દ્ર મોદીનો ચહેરો જોઈ લોકો ચૂંટણીમાં મત આપે છે. કોંગ્રેસ આટલી મોટી પાર્ટી જે આજે નામશેષ થઈ ગઈ છે. હું તો ક્યારેય કોંગ્રેસનું નામ નથી લેતો, કેમ કે જે નામશેષ છે તેનું નામ પણ કોણ લે ? કોંગ્રેસના સમયમાં રામ મંદિરનો આવો ચુકાદો આવ્યો હોત જ્ઞાતિઓ-જાતિઓ વચ્ચે ઝઘડા  કરાવ્યો હોત  અને  આ ઝઘડા  વધતાં રામ મંદિરનું કામ પણ બંધ કરાવી દીધું હોત. પાટીલે કાર્યકરોને આહ્વાન કરતા કહ્યું કે, આગામી સમયમાં આપણે રામ ભગવાનના દર્શન કરવા અયોધ્યા જવાનું છે. અને કાશ્મીરમાં 370 અને 35A ની કલમ હટાવી દેવાઈ છે. કોંગ્રેસ કહેતી હતી કે કલમ હટાવશો તો, કાશ્મીરમાં લોહીની નદીઓ વહેશે. જુઓ  કલમ હટાવ્યા બાદ કાશ્મીરમાં એક ગોળી પણ ન ફૂટી .અને આજે લોકો શાંતિથી રહે છે. ત્રીપલ તલાકનો કાયદો ભાજપ સરકારે હટાવ્યો છે 

ડ્રગ્સ મામલે ભાજપ સરકાર કોઈ બાંધછોડ નહિ કરે 

ગુજરાતમાં ડ્રગ્સ મુદ્દે કોન્ગ્રેસના સંસંતા આરોપોનો જવાબ આપતા ભાજપ પ્રદેશ પ્રમુખ પાટીલે જણાવ્યું હતું કે, કોંગ્રેસ શાસિત રાજ્યોના સૌથી વધુ ડ્રગ્સ હોય છે.ભાજપની સરકાર ડ્રગ્સ મામલે કોઈ કોમ્પ્રોમાઈઝ નહિ કરે.ગૃહરાજ્ય મંત્રી ડ્રગ્સ મામલે સરસ કામગીરી કરી રહ્યા છે.ગુજરાતમાં ખૂબ મોટી માત્રામાં ડ્રગ્સ પકડાયું, આરોપી પકડાયા છે.રાજ્યને ડ્રગ્સ મુક્ત કરીને રહીશું