ગુજરાત પોલીસ દ્વારા રાજ્યમાં એક સ્પેશિયલ ડ્રાઈવ ચલાવવામાં આવી રહી છે. જે અંતર્ગત કોઈ પણ વાહન ચાલક સ્પેશિલ ડ્રાઈવના નિયમનો ભંગ કરે તો દંડ ફટકારવામાં આવે છે.
વડોદરામાં ટ્રાફિક પોલીસની સ્પેશીયલ ડ્રાઇવ
પોલીસ તંત્રને માત્ર દંડ વસૂલીમાં રસ છે.
સુવિધા ઉભી કરવામાં ચાલે છે લાલિયાવાડી
વડોદરા સહિત સમગ્ર રાજ્યમાં હાલ ટ્રાફિક પોલીસ દ્વારા હાલ એક સ્પેશિયલ ડ્રાઈવ ચલાવવામાં આવી રહ્યું છે. જેમાં નાગરિક હેલ્મેટ અને સીટ બેલ્ટના નિયમોનો ભંગ કરે તો તેની સામે દંડાત્મક કાર્યવાહી કરવામાં આવી રહી છે. જો કે, એક તરફ તંત્ર દ્વારા કાયદાનું પાલન કરવવા માટે નાગરિકો પાસેથી દંડ વસૂલવામાં આવી રહ્યું છે. જ્યારે બીજી બાજુ તંત્ર તેની પાયાની સગવડો ઉભી કરવામાં નિષ્ફળ થઈ રહી હોવાનું પ્રતીત થઈ રહ્યું છે.
તંત્રને માત્ર દંડ વસૂલવલામાં જ રસ , સુવિધા ઉભી કરવામાં નહીં
વડોદરા શહેરમાં ચાર રસ્તાઓ પર ટ્રાફિક નિયમનની સુવિદ્યાનો અભાવ ઉડીને આંખે વળગતો હોય તેવુ લાગી રહ્યું છે. શહેરના ચાર રસ્તા પર સ્ટોપ પટ્ટા, ઝીબ્રા ક્રોસિંગના લાઈનોનું યોગ્ય આયોજનનો અભાવ જોવા મળી રહ્યો છે. મહત્વનું છે કે વડોદરા શહેર ટ્રાફિક પોલીસ અને કોર્પોરેશનને માત્ર દંડ વસૂલવલામાં જ રસ છે. શહેરના નાગરિકોને પ્રાથમિક સુવિદ્યા આપવામાં નહીં. આમ સુવિદ્યા ઉભી કરવામાં લાલિયાવાડી ચાલી રહી છે.