જંગ / યુક્રેન-રશિયા યુદ્ધમાં તંગદિલી વધતા PM મોદી એક્શનમાં, લીધો મોટો નિર્ણય

• યુક્રેન-રશિયા યુદ્ધમાં તંગદિલી વધતા  PM મોદી એક્શનમાં
• યુક્રેન-રશિયા યુદ્ધને લઈને કરશે મોટી બેઠક
• NSA અજિત ડોભાલ પણ ખાસ રહેશે હાજર 

હાલમાં રશિયા યુક્રેનમાં ધડાધડ હુમલા કરી રહ્યું છે. વિશ્વના તમામ દેશો રશિયાના આક્રમણની વિરૃદ્ધમાં છે અને તેઓ જાતજાતના પ્રતિબંધો લગાવી રહ્યાં છે. ભારત પણ આ મામલે એક્શનમાં આવ્યું છે.

પીએમ મોદી કરશે હાઈ લેવલ મીટિંગ
પ્રધાનમંત્રી મોદીએ યુક્રેન અને રશિયા વચ્ચેના વોરને લઈને એક હાઈ લેવલ મીટિંગ બોલાવી છે અને તેઓ રાષ્ટ્રીય સુરક્ષા સલાહકાર અજિત ડોભાલ પણ હાજર રહેવાના છે. પીએમ મોદી અધિકારીઓ સાથે યુક્રેન મુદ્દે મહત્વની ચર્ચા કરશે અને ભારત વતી નિવેદન આપે તેવી પણ સંભાવના છે. બેઠકમાં અજિત ડોભાલ સહિતના ઉચ્ચ અધિકારીઓ હાજર રહેશે. 

 યુક્રેનમાં ફસાયેલા ભારતીયોની સુરક્ષા ચિંતાનો વિષય
રશિયાના હુમલાથી દુનિયાની અર્થવ્યવસ્થા તબાહ થઈ ગઈ છે. કાચા તેલની કિંમતમાં નોંધપાત્ર ઉછાળો જોવા મળ્યો છે. બીજી તરફ બંને દેશો વચ્ચે યુદ્ધ શરૂ થયા બાદ ભારત સરકાર પણ એક્શનમાં આવી છે. જણાવવામાં આવી રહ્યું છે કે આજે પીએમ મોદી પોતાના નિવાસ સ્થાને ઈમરજન્સી બેઠક કરશે. આ બેઠકમાં સંરક્ષણ પ્રધાન રાજનાથ સિંહ અને અન્ય લોકો હાજર રહેશે. માનવામાં આવી રહ્યું છે કે આ બેઠકમાં યૂક્રેનમાં ફસાયેલા ભારતીયોની જલ્દી વાપસી અને સુરક્ષા માટે બેઠક થઈ શકે છે.

યુક્રેને ભારત પાસેથી માગી મદદ

રશિયાએ યુક્રેન પર હુમલો કર્યા બાદ હવે યુક્રેન દ્વારા ભારત પાસેથી મદદ માગવમાં આવી છે. ત્યાના રાજદૂતે વડાપ્રધાન મોદીને આ મામલે હસ્તક્ષેપ કરવા કહ્યું છે. યુક્રેનના રાજદૂક ઈગોર પોલતાએ કહ્યું કે ભારત અને રશિયાના સંબંધો સારા છે. જેથી ભારત રશિયા અને યુક્રેનના વિવાદને કંટ્રોલ કરવા માટે મોટું યોગદાન આપી શકે છે. યુક્રેનના રાજદૂત ઈગોર પોલખાએ પીએમ નરેન્દ્ર મોદીને વિનંતી કરી છે કે તેઓ રાષ્ટ્રપતિ પુતિન અને યુક્રેનના રાષ્ટ્રપતિ વલોડિમિર જેલેસ્કી સાથે સંપર્ક કરે. આપને જણાવી દઈએ કે બંને દેશો વચ્ચે જે વિવાદ ચાલી રહ્યો છે તેમાં ભારતનું વલણ ન્યૂટ્રલ રહ્યું છે. વિદેશ મંત્રાલય દ્વારા પણ કહેવામાં આવ્યું કે ભારતનું સ્ટેન્જ આ યુદ્ધ પર ન્યૂટ્રલ છે.