Coronavirus / અમેરિકામાં 24 કલાકમાં 1164 લોકોના મોત તો 25193 નવા કેસ, જોકે શનિવાર કરતા 50 ટકા ઓછા

• એક વાઘમાં પણ સંક્રમણ જોવા મળ્યુ
• વિશ્વના 1/4 કેસ અમેરિકામાં નોંધાયા છે
• ન્યૂયોર્કને ચીને વેન્ટિલેટર મોકલ્યા 

શનિવાર કરતા રવિવારે મોંત અને કેસની સંખ્યા ઘટી

અમેરિકાને કોરોનાથી બહું મોટો ફકટકો પડ્યો છે. અહીં 33 લાખથી પણ વધારે લોકો બેરોજગાર થયા છે. જાન માલને પણ ભારે નુકસાનીનો સામનો કરવો પડી રહ્યો છે.24 કલાકમાં 1164 લોકોના મોત નિપજ્યા છે. જ્યારે 25193 નવા કેસ નોંધાયા છે. અમેરિકામાં કુલ કોરોનાના દર્દીની સંખ્યા 336,830 થઈ ગઈ છે. જ્યારે 9618 લોકોના મોત નિપજ્યા છે.  અહીં એક્ટિવ કેસની  સંખ્યા 309235 છે. જોકે શનિવારે થયેલા મોતની સંખ્યા કરતા ઓછો છે. ઉલ્લેખનીય છે કે શનિવારે 24 કલાકમાં 2357 લોકોના મોત નિપજ્યા જ્યારે 65984 નવા કેસ નોંધાયા હતા.

વાઘને કોરોના થયો

અમેરિકામાં હાલ 17,977 લોકો રિકવર થયા છે. ઉલ્લેખનીય  છે કે ન્યૂયોર્કમાં પ્રાણીસંગ્રહાલયમાં એક વાઘણને કોરોના પોઝિટિવ આવ્યો છે. પ્રાણીસંગ્રહાલયના એક કર્મચારીના માધ્યમથી તેને કોરોના થયો છે. 

વિશ્વના 1/4 કેસ અમેરિકામાં

અમેરિકામાં રાષ્ટ્રવ્યાપી લોકડાઉનનું એલાન કરવામાં આવ્યું નથી.  50 રાજ્યોમાંથી 41 રાજ્યોમાં લોકોને ઘરમાં રહેવાનું કહેવામાં આવ્યું છે.  સમગ્ર વિશ્વમાંથી 1 ચતુર્થાશ કેસ અમેરિકામાં નોંધાયા છે.

ન્યૂયોર્કને ઓરેગૉન વેન્ટિલેટર મોકલી રહ્યુ છે

ન્યૂયોર્કના સત્તાધીશોના જણાવ્યાનુંસાર વેન્ટિલેટરોના નવા જથ્થાથી ડૉક્ટરોને સારવારમાં ઘણી મદદ મળી છે. અમેરિકાના ઓરેગૉન રાજ્ય 140 વેન્ટિલેટર ન્યૂયોર્કને મોકલી રહ્યું છે. બીજી તરફ ન્યૂયોર્કના ગવર્નર એન્ડ્ર્યૂ કમોએ શનિવારે કહ્યું કે ન્યૂયોર્કના ફેડરલ સરકારને 1700 વેન્ટિલેટરના સપ્લાય માટે આદેશ આપ્યો છે. તેમણે એમ પણ કહ્યું હતું કે દર્દીઓની સંખ્યામાં સતત વધારો થઈ રહ્યો છે. 

ચીને ન્યૂયોર્કને વેન્ટિલેટર દાન કર્યા

ન્યૂોર્કમાં એક લાખથી વધારે દર્દીઓ છે. અહીં 3500 લોકોના મોત નિપજ્યા છે. ન્યૂયોર્કમાં વેન્ટિલેટરની અછત સર્જાઈ છે. ત્યારે ચીને તેને 1 હજાર વેન્ટિલેટર દાનમાં આપ્યા છે. જે જોન એફ કેનેડી એરપોર્ટ પર પહોંચી ગયા છે. 

ગવર્નર કુમોએ સવાલ ઉઠાવ્યો આપણે કેમ નથી કરી રહ્યા

ગવર્નર કુમોએ એ સવાલ પણ ઉઠાવ્યો હતો કે આપણે વેન્ટિલેટર અને પીપીઈ જેવા મેડિકલ ઈક્વિપમેન્ટ કેમ નથી બનાવી શકતા. તેમણે કહ્યું કે ચીનમાં આવા સાધનોનો ભંડાર છે.  હુ માનું છું કે સપ્લાય ચેનનો મુદ્દો છે અને તેને બનાવવાનો ખર્ચ પણ એક મુદ્દો છે. પણ છેલ્લા કેટલાક દિવસમાં સ્વાસ્થ્ય એ એના કરતા વધારે મોટો મુદ્દો છે. આ એક શીખ છે. આપણી પાસે આ તમામ વસ્તુ બનાવવાની ક્ષમતા હોવી જોઈએ. 

કોરોનાને 9/11  કરતા પણ ભયાનક ગણાવ્યો

અમેરિકાના સર્જન જનરલ જેરોમ એડમ્સે ચેતવણી આપતા કહ્યું કે આવનારા અઠવાડિયા દુખી કરનારા હશે. તેમણે કોરોનાને  9/11  કરતા પણ ભયાનક ગણાવ્યો. 

અહી કોરોના પાર્ટીની પોલ ખુલી

અમેરિકામાં લોકો સોશિયલ ડિસ્ટન્સિંગનું પાલન નથી કરી રહ્યા. વિક એન્ડમાં ભેગા થઈ પાર્ટી કરી રહ્યા હતા. હવે અહીં ‘કોરોના પાર્ટી’ થરુ થઈ ગઈ છે.  ન્યૂયોર્ક સિટી પોલીસે રોક બેન્ડ ‘પિંર ફ્લૉયર્ડ’ દ્વારા આયોજીત કરવામાં આવેલી કોરોના પાર્ટીની પોલ પકડીહતી. અહીં 30 લોકો પાર્ટી કરવા આવ્યા હતા. કેટલાક લોકોએ ફેસબુક પર લાઈવ કર્યુ હતું. તેઓ સોશિયલ ડિસન્ટન્સિગનું પાલન નહોતા કરી રહ્યા.