ભાવનગરમાં PGVCLના કર્મચારીઓની કામગીરીનો ચકિત કરતો વીડિયો સામે આવ્યો છે. જેમાં કર્મચારીઓ 4 ફૂટથી પણ વધુ પાણીમાં જોખમી રીતે પોતાની ફરજ અદા કરી રહ્યા છે. દ્રશ્યોમાં જોઈ શકાય છે કે, કેવી રીતે અધિકારીઓ કમરસુધી પાણીમાં પણ પોતાના જીવને જોખમમાં મુકી થાંભલાની મરમ્મત કરી રહ્યા છે. ખોરવાયેલા વીજ પુરવઠાને ફરી શરૂ કરવા મથામણ કરી રહ્યા છે. ચારો તરફ પાણી જ પાણી છે. આફત ગમે ત્યારે આવી શકે છે. પરંતુ આ કર્મચારીઓએ પણ મન બનાલી લીધૂં છે કોઈપણ કાળે લોકો અંધારામાં ન રહેવા જોઈએ. અને તેમની મહેનત રંગ લાવી. PGVCLના 25 કર્મચારીઓએ પોતાના જીવને જોખમમાં મુકી લુનધરા, મીઠાપુર, માલપરા અને દાંતરેજીયા ગામે વીજ પુરવઠો ચાલુ કર્યો છે. આવા બહાદૂર કર્મચારીઓને વીટીવી સલામ કરે છે.