વિરોધ / ખેડૂતો-આદિવાસીઓ બાદ હવે માલધારીઓ પણ ગુજરાત સરકારથી નારાજ, 31 લોકોએ ઈચ્છામૃત્યુ માંગી

• રખડતા ઢોર મુદ્દે પસાર થનારા વિધેયક સામે મલધારી સમાજનો રોષ
• કલેકટરને લેખિત અરજી કરીને માલધારીઓએ ઈચ્છામૃત્યુની કરી માંગ
• રખડતા ઢોર માટેનું વિધેયક લાગુ ન કરવા રજૂઆત

ગાંધીનગરના 31 માલધારીઓએ માંગ્યું ઈચ્છા મૃત્યુ

વિધાનસભામાં તાજેતરમાં રખડતા ઢોર અંગે એક વિધેયક પસાર કરવામાં આવ્યું છે. જેને લઈનને માલધારી સમાજમાં ભારે રોષ વ્યાપી જવા પામ્યો છે.ગાંધીનગરના ગોકુળપુરાના 31 માલધારીઓએ કલેકટર સમક્ષ વિરોધ વ્યક્ત કરીને એક લેખિત અરજીમાં ઈચ્છા મૃત્યુની માંગ કરી હતી, તેઓએ કલકેટર સમક્ષ રખડતા ઢોર માટેનું વિધેયક લાગુ ન કરવા રજૂઆત કરી હતી. અને ઢોરો માટે સરકાર અલાયદી વ્યવસ્થા કરે તેવી માંગણીઓ ઉચ્ચારવામાં આવી હતી. 

સુરતમાં પણ રખડતાં ઢોર અંગેના વિધેયક સામે વિરોધ

બીજી તરફ સુરતમાં પણ માલધારી સમાજ દ્વારા પણ આ વિધેયકના વિરોધમાં સુરત કલેકટરને આવેદન પત્ર પાઠવવામાં આવ્યું  હતું. મહત્વનું છે કે, 1 એપ્રિલથી સુરતમાં પશુપાલકોએ પાલિકામાં પશુનું રજિસ્ટ્રેશન અને ટેગ ફરજિયાત લગાવવામાં આવશે. આ સાથે પાલિકા અને પોલીસ જાહેરનામાં પર અમલીકરણ કરવામાં આવશે