ચકમક / નવસારીની સર્વોદય સોસાયટીમાં મંદિરનું દબાણ હટાવવા જતા બબાલ, પોલીસે લાઠીચાર્જ કરતા વાતાવરણ તંગ

• નવસારીની સર્વોદય સોસાયટીમાં ગેરકાયદે મંદિરનો મામલો
• મંદિરનું દબાણ હટાવવા માટે અધિક કલેક્ટરની ટીમ પહોચી
• તંત્રની કામગીરી અટકાવવા માટે સોસાયટીની મહિલાઓનું પ્રદર્શન

નવસારીના સર્વોદય સોસાયટીમાં આવેલ વિવાદિત મંદિર મામલે જિલ્લા વહીવટી તંત્ર કોર્ટના આદેશ અનુસાર મંદિરનું દબાણ હટાવવા ગયા હતા આ દરમિયાન સ્થાનિકોએ ડિમોલિશનની કામગીરીમાં રુકાવટ કરી હતી જેને લઈને પોલીસે લાઠીચાર્જનો સહારો લેતા વાતવરણ ઉગ્ર બન્યું હતું.

મંદિર પાસે કૃષ્ણ ધૂન શરૂ કરીને કર્યુ ધરણા પ્રદર્શન
નવસારી શહેરના જમાલપુરમાં આવેલા સર્વોદય નગરમાં વિવાંદિત જગ્યાને લઈને બિલ્ડર અને સ્થાનિકો વચ્ચે છેલ્લા લાંબા સમયથી કોર્ટ કાર્યવાહી ચાલી રહી છે આ દરમિયાન કોર્ટના આદેશ મુજબ વિવાદિત જગ્યાને હટાવવા માટે પાલિકા વહીવટી તંત્ર અને પોલીસ કાફલો આજે સર્વોદય નગરમાં ગયો હતો જ્યાં સ્થાનિકો અને તંત્ર વચ્ચે ઘર્ષણના દ્રશ્યો સર્જાયા હતા. જેમાં મહિલાઓએ વિવાદિત જગ્યામાં બેસી રામધૂન બોલાવી હતી અને પોલીસને અંદર આવતી અટકાવી હતી પોલીસે સોસાયટીના રહીશો ને બે કલાક સમજાવ્યા બાદ રહીશો ન માનતા પોલીસે લાઠીચાર્જ કરી રહીશો ના ટોળા ને વિખેરી દીધું હતું જેને લઈને સ્થાનિકો માં રોષ જોવા મળ્યો હતો. 

મહિલા અને બાળકોને હટાવવાના પોલીસે હાથધર્યા પ્રયાસો
આ સમગ્ર ઘટનાક્રમને લઈને પોલીસે મહિલા કર્મચારીઓને આગળ કરીને ગેટ તોડવાનો પ્રયત્ન કર્યો હતો જેમાં  સ્થાનિકો અને વહીવટી તંત્ર વચ્ચે ચકમક ઝરી હતી. કથિત મંદિરની પાછળ બિલ્ડરની જગ્યા આવી છે જેમાંથી સ્થાનિકો આ જગ્યામાં કથિત મંદિર ઊભું કર્યો હોવાનો આક્ષેપ બિલ્ડરો દ્વારા કરવામાં આવ્યા છે. ત્યારે સમગ્ર મમલો કોર્ટમાં પહોંચતા કોર્ટે બિલ્ડર પક્ષે ચુકાદો આપતા જિલ્લાના એડિશનલ કલેક્ટર પ્રાંત અધિકારી પાલિકા ચીફ અને અધિકારી સહિત પોલીસ કાફલો મંદિરનું દબાણ હટાવ્યું હતું જોકે દબાણને લઈને પોલીસે દંડાવાળી કરવાની ફરજ પડી હતી.