- હૈદરાબાદમાં મર્સિડીઝ કારમાં એક સગીરા સાથે ગેંગરેપ
- હજુ સુધી આ કેસમાં કોઈની નથી થઈ ધરપકડ
- આરોપીઓમાં હાઈપ્રોફાઈલ નામ સામેલ છે
હજુ સુધી આ કેસમાં કોઈની નથી થઈ ધરપકડ
હૈદરાબાદના પોશ વિસ્તાર જ્યુબિલી હિલ્સમાં સગીર બાળકી સાથે ગેંગરેપનો મામલો સામે આવ્યો છે. કહેવામાં આવી રહ્યું છે કે આરોપીમાં ત્રણથી ચાર લોકો સામેલ છે. જેમાંથી એક સગીર છે. અન્ય આરોપીઓમાં એક વિધાયકનો પુત્ર છે,. પીડિતાના પિતાની તરફથી પોલીસમાં ફરિયાદ નોધાવતાં પોલીસે કાયદેસરની કાર્યવાહી હાથ ધરી છે. હાલ આ મામલે કોઈની પણ ધરપકડ થઈ નથી
પીડિતાના પિતાએ જ્યુબિલી હિલ્સ પોલીસ ફરિયાદ નોધાવી
પોલીસે બુધવારે જ્યુબિલી હિલ્સ પોલીસ સ્ટેશનમાં નોંધાયેલા હાઇ પ્રોફાઇલ કેસના તથ્યોની પુષ્ટિ કરતી ટેકનીકલ તપાસ શરૂ કરી દીધી છે. જણાવવામાં આવી રહ્યું છે કે, આ ઘટના શનિવારની છે.પ્રારંભિક તપાસમાં પોલીસે આઈપીસીની કલમ 354, 323,9,10, પોસ્કો એક્ટ 2012 અંતર્ગત ત્રણ લોકો સામે ફરિયાદ નોંધી છે. જેમાં 17 વર્ષીય પીડિતાની મેડિકલ તપાસ બાદ પોલીસે આઈપીસી 376ની કલમ પણ ઉમેરી દીધી છે.
પીડિતા માત્ર એક આરોપીની ઓળખી શકે છે.
જણાવવામાં આવી રહ્યુ છે કે, પીડિતા તેના મિત્રોના આમંત્રણ પર એક પાર્ટીમાં ભાગ લેવા ગઈ હતી. સૂત્રોના જણાવ્યા અનુસાર, પીડિતોમાંથી એક ધારાસભ્યના પુત્ર અને લઘુમતી બોર્ડના ચેરમેન હાજર રહ્યા હતા. હાલમાં, પીડિતા ફક્ત એક જ આરોપી અને તેના નામની ઓળખ કરી શકે છે . જણાવવામાં આવી રહ્યું છે કે, આ આરોપી સગીર છે.
સગીરા 28મી મેના રોજ પાર્ટીમાં હાજરી આપવા ગઈ હતી
પીડિતાના પિતાના એફઆઈઆરમાં જણાવ્યા અનુસાર 28મી મેના રોજ તેમની મોટી દિકરી એક પાર્ટીમાં ગઈ હતી. એમ્નેશિયા એન્ડ ઇન્સોમ્નિયા પબ, રોડ નંબર 36, જ્યુબિલી હિલ્સમાં, તેની પુત્રીના મિત્રો સૂરજ અને હાદીએ એક પાર્ટીનું આયોજન કર્યું હતું જેમાં તેણીને આમંત્રણ આપવામાં આવ્યું હતું. પીડિતાના પિતાએ જણાવ્યું કે, સાંજે લગભગ પાંચ વાગ્યે લાલ રંગની મર્સિડીઝમાં કારમાં કેટલાક લોકોએ મારી દિકરીને પબથી લઈ ગયા હતાં દરમિયાન એક ઈનોવા કાર પણ બહાર નીકળી હતી. કાર સવાર લોકો મારી દિકરી સાથે દુર્વ્યહાર કર્યો હતો. ત્યારથી મારી દીકરી આઘાતમાં છે. હાલ તે સમગ્ર ઘટનાનો ખુલાસો કરી શક્યો નથી. પીડિતાના પિતાએ માંગ કરી છે કે મામલાની તપાસ કરીને આરોપીઓ સામે યોગ્ય કાયદાકીય કાર્યવાહી કરવામાં આવે.
