રાજધાની દિલ્હીમાં એક પ્રફેશનલ ડાન્સરે બદમાશ બીયર બારના માલિક અને તેના મિત્રોથી બચવા માટે બીયર બારની છત પરથી કૂદીને આત્મહત્યા કરી લેતાં ચકચાર મચી જવા પામી છે.
ડાન્સરે બદમાશોથી બચવા માટે આત્મહત્યા કરી
બદમાશો પાર્ટીમાં ડાન્સ કરાવ્યા બાદ અભદ્ર વર્તન કરવા લાગ્યા
આરોપીઓએ પિડીતાને હોસ્પિટલની બહાર ઉતારી ભાગી ગયાં
ડાન્સરે બદમાશોથી બચવા માટે આત્મહત્યા કરી
એક પ્રોફેશનલ ડાન્સરે એક બારના બદમાશ માલિક અને તેના મિત્રોથી બચવા માટે બીયર બારની છત પરથી કૂદીને આત્મહત્યા કરી. મૃતક ડાન્સરની ઓળખ બુધ વિહારની રહેવાસી તરીકે થઈ છે. ડાન્સરની બહેનની ફરિયાદના આધારે પોલીસે બાર માલિક વિજય અને તેના મિત્રો વિરુદ્ધ કેસ નોંધીને તપાસ શરૂ કરી છે. રોહિણી સેક્ટર 9ના નોર્થ એક્સ મોલમાં સ્થિત બીયર બારમાં શનિવારે રાત્રે એક ખાનગી પાર્ટી હતી. જેમાં બુધ વિહારની રહેવાસી પ્રોફેશનલ ડાન્સર અને તેની નાની બહેન ડાન્સ કરવા ગઈ હતી.
બદમાશો પાર્ટીમાં ડાન્સ કરાવ્યા બાદ અભદ્ર વર્તન કરવા લાગ્યા
પોલીસને આપેલી ફરિયાદમાં નિશાએ જણાવ્યું કે બીયર બારના માલિક વિજયે બંનેને લગભગ પાંચ કલાક સુધી પાર્ટીમાં ડાન્સ કરાવ્યા. આ પછી બંને રવિવારે સવારે લગભગ 4.30 વાગ્યે ઘરે જવા લાગ્યા.આ દરમિયાન બારના માલિક વિજય અને તેના મિત્રોએ ડાન્સરને રોકી અને તેને ફરીથી ડાન્સ કરવાનું કહ્યું, જ્યારે ડાન્સરે ના પાડી તો તેઓએ તેને બળજબરીથી મારવાનું શરૂ કર્યું. જેથી ડાન્સર ત્યાંથી ભાગવા માંગતી હતી ત્યારે બધાએ તેને ઘેરી લીધો અને અભદ્ર વર્તન કરવા લાગ્યા.
આરોપીઓએ પિડીતાને હોસ્પિટલની બહાર ઉતારી ભાગી ગયાં
જેનાથી પરેશાન થઈને ડાન્સરે બારના ત્રીજા માળેથી નીચે કૂદી પડી હતી. ત્યાર બાદ આનન ફાનનમાં આરોપીઓએ ઈજાગ્રસ્ત ડાન્સર સહિત અન્ય ડાન્સરને આંબેડકર હોસ્પિટલની બહાર ઉતારીને ભાગી ગયા હતા. દરમિયાન હોસ્પિટલમાં ડોક્ટરોએ બાર ડાન્સરને મૃત જાહેર કરી હતી. બાદ આ અંગે અન્ય મૃતક પિડીતાની બહેને પોલીસમાં ફરિયાદ કરી હતી.હાલ પોલીસ બાર માલિકની પૂછપરછ કરી રહી છે. આ સાથે બારના સીસીટીવી કેમેરાના ફૂટેજ અને આસપાસના કેમેરાના ફૂટેજની ચકાસણી કરવામાં આવી રહી છે.
દિલ્હીમાં સાંજ પડતાની સાથે જ ખાનગી પાર્ટીઓ શરૂ થઈ જાય છે
પ્રશાંત વિહાર વિસ્તારમાં ઘણાં એવા બાર છે. જેમાં સાંજ પડતાની સાથે જ પ્રાઈવેટ પાર્ટી શરૂ થઈ જાય છે. જેમાં બાર ડાન્સર્સ આવે છે, જે મોડી રાત સુધી ડાન્સ કરે છે. નશામાં ધૂત લોકો આ યુવતીઓ પર હજારો રૂપિયા ખર્ચે છે. આનાથી બાર માલિકોને મોટી કમાણી થાય છે. સૂત્રોનું માનીએ તો આ બાર લાયસન્સ વગર ચાલી રહ્યા છે.