આક્રોશ / વાયદો પાળી બતાવો સાહેબ! LRD વેઇટિંગ ઉમેદવારની ભરતી મામલે ઉમેદવારો દ્વારા ન્યાય યાત્રા રેલી, જો પરિણામ નહીં આવે તો ....

• LRD વેઇટિંગ ઉમેદવારની ભરતી મામલે રેલી
• સચિવાલય સુધી ન્યાય યાત્રા રેલીનું આયોજન
• 'ઉમેદવારોએ 40થી વધુ વખત રજૂઆતો કરી'

ગાંધીનગર ખાતે LRD વેઇટિંગ ઉમેદવારની ભરતી મામલે બેરોજગાર ઉમેદવારોએ સત્યાગ્રહ છાવણીથી સચિવાલય સુધી ન્યાય યાત્રા રેલીનું આયોજન કર્યું છે. ઉલ્લેખનીય છે કે,અગાઉ પૂર્વ ગૃહ રાજ્યમંત્રી પ્રદીપસિંહએ 20 ટકા વેઇટિંગ જાહેર કર્યું હતું. તેમજ સરકારે પરિપત્ર બહાર પાડ્યો હોવા છતાં આ અંગે પરિણામ નથી આવ્યું .

ગાંધીનગરમાં LRD વેઇટિંગ ઉમેદવારની ભરતી મામલે રેલી

આ અંગે આંદોલનકારી ઉમેદવાર રોહિત માળીએ જણાવ્યું હતું કે, છેલ્લા 3 વર્ષથી સરકારમાં ઉમેદવારો વેઈટિંગ લીસ્ટ અંગેની રજૂઆત કરી રહ્યા છે. પરંતુ કોઈ ઉકેલ નથી આવ્યો. અગાઉ પૂર્વ ગૃહ રાજ્યમંત્રી પ્રદીપસિંહએ 20 ટકા વેઇટિંગ જાહેર કર્યું હતું. તેમજ સરકારે પરિપત્ર બહાર પાડ્યો હોવા છતાં આ અંગે પરિણામ નહીં. અમે જૂની અને નવી બંને સરકારમાં 40થી વધુ વખત રજુઆતો કરી છે. પરંતુ પરિણાણ ઠેર નું ઠેર છે.  

જો પરિણામ નહીં આવે તો આગળ પણ વિરોધ કાર્યક્રમો કરીશુ: માળી

આંદોલનકારી ઉમેદવાર રોહિત માળીએ જણાવ્યું હતું કે, સરકાર LRD વેઇટિંગ ઉમેદવારની ભરતી મામલે તાત્કાલિક કોઈ પગલાં નહીં લે અને આ પ્રશ્નનો નિરાકારણ નહીં આવે તો  આગળ પણ વિરોધ કાર્યક્રમો કરીશું તેમજ આ મામલે ઉગ્ર આંદોલન પણ છેડવામાં આવશે.