હત્યા / ભાવનગરમાં બદમાશો બેખૌફ : મોડી રાતે પૈસાની લેતીદેતીના મામલે કિશોરની ઘાતકી હત્યા,એકની હાલત ગંભીર

• ભાવનગરમાં રૂપિયાની લેતીદેતી મુદ્દે યુવકની હત્યા
• બોલાચાલી બાદ મારામારી થઈ હતી
• અન્ય એક યુવકને ઈજા પહોંચી

ભાવનગરના સુભાષનગર વિસ્તારમાં યુવકની હત્યા

ભાવનગરના સુભાષનગરમાં રહેતા ઉમેશભાઈ ચોહાણ તેમજ પુજનભાઈ રાઠોડને પૈસાની લેતીદેતી મામલે અજાણ્યા શખ્સો દ્વારા માર માર્યો હતો. જેમા ઉમેશભાઈ નુ ઘટનાસ્થળે મોત નીપજ્યું હતું.બનાવની જાણ થતાં એએસપી સહિતનો કાફલો ઘટનાસ્થળે પહોંચી તપાસ શરૂ કરી છે.

બોલાચાલી બાદ મારામારી થઈ હતી

ભાવનગરના  સુભાષનગર વિસ્તારમાં ગત મોડીરાત્રે પૈસાની લેતી દેતી બાબતે ઉમેશભાઈ રાઠોડ અને  પૂજન રાઠોડ પર સુભાષનગર વર્ષા સોસાયટી, આવાસ યોજના સામે છરી, તલવાર અને ધોકા વડે હુમલો થયો હતો. જેમાં ઉમેશભાઈ ચૌહાણનું ઘટના સ્થળે મોત નીપજ્યું હતું જ્યારે પૂજન રાઠોડ ને ગંભીર ઈજાઓ પહોંચતા સારવાર માટે હોસ્પિટલમાં ખસેડવામાં આવ્યા હતા.

રુપિયાની લેતીદેતી જવાબદાર

બીજી તરફ બનાવની જાણ થતાં પોલીસને થતાં પીઆઈ સહિતનો પોલીસ કાફલો ઘટના સ્થળે પહોંચી આગળની તપાસ હાથ ધરી હતી. પોલીસના પ્રાથમિક તપાસમાં સામે આવ્યું છે કે, આ હત્યા  પૈસાની લેતી દેતી બાબતે થઈ છે. આ બનાવ અંગે ઘોઘા રોડ પોલીસ મથકમાં ફરિયાદ નોંધવાની તજવીજ હાથ ધરાઇ છે. મળતી વિગતો પ્રમાણે મૃતક ઉમેશે હાલ માં જ 10માં ધોરણ ની પરીક્ષા આપી હતી.