ના હોય / લીચી ખાતા લોકો સાવધાન, બન્યું એવું કે 16 વર્ષની બાળકીનું આ ફળ ખાતી વખતે થયું મોત

• લીચીનું બીજ બન્યુ જીવલેણ 
• 16 વર્ષની બાળકીનો ગયો જીવ 
• લીચી ખાતી વખતે ગળામાં ફસાઈ ગયું બીજ 

આસામના જોરહટ જિલ્લામાં લીચીના બીજ ખાવાના કારણે 10માં ધોરણમાં ભણતી 16 વર્ષની કિશોરીનું મોત થઈ ગયું છે. હકીકતે લીચીનું બીજ તેના ગળામાં ફસાઈ ગયું. આ ઘટના જોરહટના કાકાજન સોનારી ગામમાં બની છે. 16 વર્ષની કિશોરીનું નામ પ્રિયા બોરા હતું. મીડિયા રિપોર્ટ્સ અનુસાર, કિશોરીના પિતા પોલીસ કોન્સ્ટેબલ છે. તે બજારમાંથી લીચી લઈને ઘરે આવ્યા હતા. 

લીચી ખાતા ગળામાં ફસાઈ ગયું બીજ 
પ્રિયા લીચી ખાઈ રહી હતી ત્યારે અચાનક એક બીજ તેના ગળામાં ફસાઈ ગયું. જ્યાર બાદ તેને શ્વાસ લેવામાં તકલીફ થવા લાગી. પરિવારના લોકો તરત તેને નજીકના હોસ્પિટલ લઈને ગયા. પરંતુ હોસ્પિટલ પહોંચ્યા પહેલા જ પ્રિયાનો જીવ જતો રહ્યો હતો. 

મોતની ખબરથી આખા ગામમાં ફેલાયો શોકનો માહોલ 
પ્રિયાના મોતના કારણે તેના પિતાની સ્થિતિ ખૂબ ખરાબ છે. પિતા જીતેન બોરાએ જણાવ્યું કે, મારી દિકરીના ગળામાં લીચીનું બીજ ફસાઈ ગયું હતું અને ત્યાર બાદ તેને શ્વાસ લેવામાં તકલીફ થલા લાગી. હું એને તરત જ નજીકના હોસ્પિટલ લઈ ગયો જ્યાં ડોક્ટરે તેને મૃત જાહેર કરી દીધી. 

ગામના લોકોનું કહ્યું છે કે મૃત કિશોરી 10માં ધોરણમાં ભરણતી હતી. તે પોતાના ફાઈનલ એક્ઝામની તૈયારીઓ કરી રહી હતી. તેના મોત બાદ કાકાજન વિસ્તારમાં શોકનો માહેલ છે.