મહાદાન / અમદાવાદ:રોડ અકસ્માતમાં બ્રેઈન ડેડ મિત્તલ પ્રજાપતિએ 6 લોકોને આપ્યું નવજીવન, હૃદય કલકત્તા લઈ જવાયું

• અમદાવાદ સિવલ હોસ્પિટલમાં ઓર્ગન ડોનેશન
• 35 વર્ષીય બ્રેઈન ડેડ મહિલાનું હૃદય કલકત્તા લઈ જવાયું
• મહિલાના ફેફસા હૈદરાબાદની કિમ્સ હોસ્પિટલમાં લઈ જવાયા

અમદાવાદ સિવલ હોસ્પિટલમાં ઓર્ગન ડોનેશન કરવામાં આવ્યું છે. ગત રવિવારે અકસ્માતનો ભોગ બનનાર અમદાવાદના મિત્તલ પ્રજાપતીને બ્રેઈન ડેડ જાહેર કરવામાં આવ્યા હતા જે બાદ હૃદય, 2 કિડની, લીવર, ફેફસા અને સ્વાદુપિંડનું દાન કરવાનો નિર્ણય પરિવાર તરફથી લેવામાં આવ્યો હતો. મહિલાના ફેફસા હૈદરાબાદની કિમ્સ હોસ્પિટલમાં લઈ જવામાં આવ્યા છે જ્યારે સિવિલ હોસ્પિટલથી ગ્રીન કોરિડોર બનાવી હૃદય કલકત્તા પહોંચાડવામાં આવી રહ્યું છે. 6 લોકોમાં મિત્તલ પ્રજાપતિને અંગોનું પ્રત્યારોપણ કરવામાં આવશે જેથી અન્ય લોકોને નવજીવન મળશે

પરિવારનું શું કહેવું છે?
પરિવાર તરફથી મહિલાના પતિ ભરતભાઈ પ્રજાપતિનું કહેવું છે કે અમારે તો જે થવાનું હતું તે થઈ ગયું, અન્યની જિંદગી બચાવવાનો નિર્ણય કરી ઓર્ગન ડોનેટ કર્યા, આ નિર્ણયમાં મારા ભાઈઓનો અને ડોકટરોનો ખૂબ સપોર્ટ મળ્યો. આથી અંગ રૂપે મિત્તલ પ્રજાપતિને જીવતી જોવા માટે પરિવારે મોટો નિર્ણય કરી અન્ય જિંદગી બચાવવાનો નિર્ણય કર્યો છે.

કાંકરિયા લેક પાસે ટેમ્પોએ મારી હતી ટક્કર
ગત રવિવારે સાંજે 6 વાગ્યે કાંકરિયા લેક પાસે ભયાવહ અકસ્માત મિત્તલ પ્રજાપતિને નડ્યો હતો. મહિલા કાકરિયા તરફથી આવતી હતી ત્યારે બીજી તરફથી પીધેલી હાલતમાં ડ્રાઈવર પુરપાટ ઝડપે ટેમ્પો હંકારતા ચાર રસ્તા નજીક ટેમ્પો પલટાઈ ગયો હતો જેમાં મિત્તલ પ્રજાપતિ અડફેટે આવી જતાં માથાના ભાગ પર ગંભીર ઈજાઓ થઈ હતી.જે બાદ તેમણે સારવાર અર્થે સિવિલમાં ખસેડવામાં આવ્યા હતા જ્યાં તેમણે 35 વર્ષીય મિત્તલ પ્રજાપતિ બ્રેઈન ડેડ જાહેર કરવામાં આવ્યા હતા, 

સિવિલ અધિકારીની પ્રતિક્રિયા
સિવિલમાં સોટો અંતર્ગતની કાર્ય પધ્ધતિ પ્રમાણે બ્રેઈન ડેડ મહિલાના પરિવારને ઓર્ગન ડોનેટ કરવા સમજણ અપાઈ હતી, જે બાદ પરિવારે સહમતી આપતા હૃદય, 2 કિડની, લીવર, ફેફસા અને સ્વાદુપિંડનું દાન કરાયું છે. સિવિલ હોસ્પિટલમાં ઓર્ગન ડોનેટની આ બીજી ઘટના છે.સિવિલ હોસ્પિટલથી ગ્રીન કોરિડોર બનાવી હૃદય કલકત્તા ખાતે લઈ જવામાં આવ્યું છે તે માટે કલકત્તાથી ટીમ આવી હતી. અને 10 મિનિટમાં જ ગ્રીન કોરિડોર બનાવી હૃદયને એરપોર્ટ પહોંચાડવામાં આવ્યું હતું જ્યાં પહેલાથી ફ્લાઇટ ટેક ઓફ માટે તૈયાર રખાઇ હતી અને હવે મિત્તલ પ્રજાપતિ હ્રદય કલકત્તાની હોસ્પિટલમાં પહોંચશે ત્યાં જરૂરિયાત મંદનું હ્રદય ફરીથી ધબકતું કરાશે.