અમદાવાદ / ફિલ્મી ઢબે કાર ચડાવી કેફેનો દરવાજો તોડ્યો, હાથમાં તલવાર, દંડા લઈ તોડફોડ પર ઉતરી ગયા, લુખ્ખાઓનો આંતક CCTVમાં કેદ

• અમદાવાદ SP રિંગ રોડ પર એક કેફેમાં તોડફોડ મામલો
• તોડફોડની ઘટનાના CCTV ફૂટેજ આવ્યા સામે
• હાથમાં તલવાર, દંડા અને અન્ય વસ્તુઓ સાથે લઈને આવ્યા હતા

અમદાવાદ SP રિંગ રોડ પર એક કેફેમાં તોડફોડનો મામલે CCTV ફૂટેજ આવ્યા સામે, હથિયારધારી અનેક શખ્સોએ કેફેમાં ધોકા લઈ મચાવ્યો હતો આતંક#Ahmedabad #baapnobagicho #VTVGujarati #CCTV #SPRingRoad pic.twitter.com/oacouOVi5A

— VTV Gujarati News and Beyond (@VtvGujarati) February 6, 2023

અમદાવાદના એસપી રીંગ રોડ પર આવેલ એક કેફેમાં શુક્રવાર રાત્રીના 2 વાગ્યાના સુમારે કેટલાક શખ્શો દ્વારા ગાડીમાં આવી કેફેમાં તોડફોડ કરી હતી. ગાડી સરખી પાર્ક કરવા જેવી નજીવી બાબતે મામલો બીચક્યો હતો.  કેફેમાં આવેલા શખ્શો નશાની હાલતમાં હોવાનો પણ આક્ષેપ કરવામાં આવી રહ્યો છે. આવેલ માથાભારે શખ્સો દ્વારા કેફેમાં તોડફોડ કરી આગ લગાવવાનો પણ પ્રયત્ન કર્યો હતો. રાત્રીના 2 વાગ્યાના સુમારે આવેલ શખ્શો હાથમાં તલવાર, દંડા અને અન્ય વસ્તુઓ પણ સાથે લઈને આવ્યા હોવાનું સી.સી.ટી.વી.માં સ્પષ્ટ દેખાઈ રહ્યું છે.

તલવાર, દંડા લઈને આવેલા શખ્શોએ કરી તોડફોડ
અમદાવાદના એસપી રીંગ રોડ પર આવે બાપનો બગીચો કેફેમાં રાત્રીના બે વાગ્યાના સુમારે એસયુવી કાર લઈને આવેલા કેટલાક શખ્શો દ્વારા અચાનક જ હાથમાં તલવાર, દંડા સહિત અન્ય વસ્તુઓ સાથે કેફેમાં ઘુસી આવી આતંક મચાવ્યો હતો. સમગ્ર ઘટનાની સી.સી.ટી.વી. પણ સામે આવ્યા છે.

અગાઉ પણ આ કેફેમાં મારામારી થવા પામી હતી
થોડા સમય પહેલા જ બાપનો બગીચો કેફેમાં મારામારી થઈ હતી. જેમાં કેફેના કર્મચારીઓને અન્ય વ્યક્તિઓ સાથે મારામારી થવા પામી હતી. ત્યારે બદલો લેવા માટે કેટલાક શખ્શો ગાડીઓ લઈ કેફેમાં પહોંચ્યા હતા. જેના પણ સી.સી.ટી.વી. ફૂટેજ સામે આવવા પામ્યા છે.