મહત્વપૂર્ણ / વાહનચાલકો માટે રાહતના સમાચાર : એક્સ્પાયર થયેલા લાયસન્સ કે પરમિટ જેવા ડૉક્યુમેન્ટ્સની મુદ્દતમાં વધારો

• વાહનોના દસ્તાવેજની મુદ્દતની અંતિમ તારીખ વધારી
• માત્ર 31 ઓક્ટોબર સુધી જ માન્ય ગણાશે આ કાગળીયા
• દિલ્હી વાસીઓની સુવિધાને ધ્યાનમાં રાખી લેવાયો નિર્ણય

દિલ્હીમાં મળશે 30 નવેમ્બર સુધી રાહત

આ સંદર્ભે MORTHએ દરેક રાજ્ય સરકાર અને RTO ઓફિસને સુચના જાહેર કરી દીધી છે. આવો જાણીએ MORTHના આ નિર્ણયની તમારી પર કેવી અસર થશે. કોરોના મહામારીને પગલે કેજરીવાલ સરકારે રાજ્યોમાં વાહનોના દસ્તાવેજની મુદ્દત છેલ્લી તારીખ 30 નવેમ્બર કરી દીધી છે. જ્યારે આખા દેશમાં MORTHએ વાહનોના દસ્તાવેજની માન્યતાની અંતિમ તારીખ 31 ઓક્ટોબર 2021 છે. કેજરીવાલ સરકારે આ નિર્ણય દિલ્હી વાસીઓની સુવિધાોને ધ્યાનમાં રાખી લીધો છે.

અગાઉ ઘણી વખત વધારાઈ છે ડેડલાઈન

આ અગાઉ ઘણી વખત ડેડલાઈનને વધારવામાં આવી છે. અગાઉ 30 માર્ચ 2020ની મુદ્દતને વધારવામાં આવી હતી. ત્યારબાદ ફરીથી જૂન 2020માં ડેડલાઈન વધારવામાં આવી છે. ત્યારબાદ 24 ઓગષ્ટે ડેડલાઈન વધારવામાં આવી તથા ડિસેમ્બર 2020 અને માર્ચ 2021, જૂન 2021 અને હવે 30 સપ્ટેમ્બરે તેની ડેડલાઈન વધારી નવી તારીખની જાહેરાત કરવામાં આવી છે.

ઉલ્લેખનીય છે કે, કેન્દ્ર સરકારે વાહન દસ્તાવેજોના રિન્યુઅલની તારીખને 31 ઓક્ટોબર સુધી વધારી દીધી છે. તો દિલ્હી સરકારે તેની ડેડલાઈનને 30 નવેમ્બર સુધી વધારી દીધી છે. એવામાં ડ્રાઈવિંગ લાયસન્સ, રજીસ્ટ્રેશન સર્ટીફિકેટ અને પરમિટને રિન્યૂ કરાવવા માટે તમારી પાસે ઘણો સમય છે.