રાજ્યમાં 18થી 44 વર્ષના માટે વેક્સિનેશન ઝડપી બનાવવા રોજના 30 હજાર ડોઝના બદલે 1 લાખ ડોઝ ફળવાશે
રાજ્યમાં 18થી 44 વર્ષના માટે વેક્સિનેશન બનશે ઝડપી
દરરોજ 18+ માટે 30 હજાર ડોઝ અપાતા હતા
હવે દરરોજ 18+ વેક્સિનેશન માટે 1 લાખ ડોઝ ફળવાશે
મુખ્યમંત્રી વિજય રૂપાણીએ રાજ્યમાં કોરોના રસીકરણ અંગે એક મહત્વપૂર્ણ નિર્ણય કર્યો છે. રાજ્યના 10 શહેરોમાં હાલ 18થી 44 વય જૂથના લોકોનું રસીકરણ થઈ રહ્યું છે. જેના માટે રોજના 30 હજાર ડોઝ આપવામાં આવે છે. જેને વધારી આવતીકાલ સોમવાર 24 મેથી એક અઠવાડિયા સુધી રોજના 1 લાખ ડોઝ આપવાનો નિર્ણય કર્યો છે.
રાજ્યમાં 18થી 44ની વય જૂથના યુવાઓનું રસીકરણ ઝડપથી અને વ્યાપકપણે થાય તેના માટે નિર્ણય કર્યો છે. આ નિર્ણયથી અગાઉ 30 હજાર યુવાઓના રોજના રસીકરણમાં હવે રોજના 1 લાખ યુવાઓને આવરી લેવાશે. આ નિર્ણયને પરિણામે 1 સપ્તાહમાં અંદાજે 8 લાખ યુવાઓને કોરોનાની રસીકરણનો લાભ મળતા કોરોના સામે વધુને વધુ યુવાઓને રક્ષણ મળશે. તેવી જાહેરત CMO દ્વારા કરાઈ છે.
ફ્રંટલાઈન વોરિયર્સ, 45થી વધુ વયના લોકોના રસીકરણમાં ગુજરાતે આ અગ્રેસરતા મેળવ્યા બાદ હવે 18થી 44 વય જૂથના લોકોનું પણ વ્યાપક અને ઝડપી રસીકરણ કરીને યુવાઓની આરોગ્ય રક્ષા ક્ષેત્રે પણ દેશમાં અગ્રેસર રહેવા રાજ્ય સરકાર પ્રતિબદ્ધ હોવાની વાત પ્રેસનોટમાં જાહેર કરાઈ છે.