મોસમનો મિજાજ / 21 અને 22 નવેમ્બરે વરસાદની આગાહી, હવામાન વિભાગે આ બે રાજ્યોમાં આપ્યા ઝાપટાના સંકેત, જાણો ચેતવણી

• ઉત્તરમાં ઠંડી દક્ષિણમાં  વરસાદની ચેતવણી
• હવામાન વિભાગે કેટલાક રાજ્યોને કર્યાં એલર્ટ
• 2 દિવસ સુધી પડી શકે છે ભારે વરસાદ

પહાડી રાજ્યોમાં દરરોજ બરફ પડી રહ્યો છે જેનાં લીધે ઉત્તરભારતનાં કેટલાય રાજ્યોમાં તાપમાન ઘટ્યું છે. ઠંડકની શરૂઆત થઇ ચૂકી છે અને આવનારા સમયમાં ઠંડી વધી શકે છે. ત્યારે દક્ષિણનાં રાજ્યોમાં હાલમાં ભારે વરસાદની આગાહી દેખાઇ રહી છે. હવામાન વિભાગે કહ્યું કે બે દિવસ સુધી ઘણાં રાજ્યોમાં ભારે વરસાદ પડી શકે છે તેવામાં લોકોને એલર્ટ રહેવાની જરૂર રહેશે.

હવામાન વિભાગે આ રાજ્યો અંગે આપી માહિતી
હવામાન વિભાગ અનુસાર ઉત્તરી કિનારાનાં તમિલનાડુ, પોંડિચેરી, કરાઇકલ અને આંધ્રપ્રદેશ, રાયલસીમાંની કેટલીક જગ્યાઓ પર 21 અને 22 નવેમ્બર દરમિયાન ભારે વરસાદ થવાની શક્યતાઓ દર્શાવી છે. આ સિવાય 20 નવેમ્બરનાં પણ આ રાજ્યોમાં મધ્યમથી ભારે વરસાદની સંભાવનાઓ છે.

Fishermen are advised not to venture into:
Southeast Bay of Bengal and adjoining areas of Southwest & Westcentral Bay of Bengal on 18th November.
Southwest and adjoining areas of Southeast & Westcentral Bay of Bengal and along & off Sri Lanka coasts on 19th November pic.twitter.com/wWRlGzAfSq

— India Meteorological Department (@Indiametdept) November 18, 2022

આવતાં 48 કલાક પડી શકે છે ભારી
આવનારાં 48 કલાક દરમિયાન દક્ષિણપૂર્વ બંગાળની ખાડી અને તેની આસપાસનાં ઓછા દબાણવાળા ક્ષેત્રોમાં તેમજ દક્ષિણ બંગાળની ખાડીનાં મધ્ય ભાગો પર એક ડિપ્રેશનમાં કેન્દ્રિત થવાની સંભાવના છે. હવામાન વિભાગે માછીમારોને સમુદ્રકિનારો પર ન જવાની સલાહ આપી છે.

માછીમારોને કરાયા એલર્ટ
હવામાન વિભાગે કહ્યું કે 18 નવેમ્બરનાં બંગાળની ખાડી અને તેની આસપાસનાં વિસ્તારોમાં માછીમારોએ સમુદ્રકિનારો પર જવું નહીં. આ સિવાય 20-22 નવેમ્બર દરમિયાન દક્ષિણ- પશ્ચિમ અને તે પટ્ટા પર પશ્ચિમ- મધ્ય બંગાળની ખાડી અને આંધ્રપ્રદેશ, તમિલનાડુ, પોંડિચેરી અને શ્રીલંકાનાં કિનારાઓ પર ન જવાની અપીલ કરી છે.