હૈવાનિયત / મસ્જિદમાં ભણવા માટે જતી 8 વર્ષની બાળકીને ઈમામે પિંખી નાંખી, ખવડાવી કુરાનની કસમ

ઉત્તર પ્રદેશના મૈનપુરી જિલ્લામાંથી એક હેરાન કરનારો મામલો સામે આવ્યો છે. હકીકતમાં અહીં એક મસ્જિદના ઈમામે આઠ વર્ષની માસૂમ સાથે કથિત રીતે દુષ્કર્મ કર્યું છે. એટલું જ નહીં આ પ્રકારની હૈવાનિયત આચર્યા બાદ આરોપી ઈમામે પીડિતાને કુરાનની કસમ ખવડાવી કે, તે આના વિશે કોઈને પણ કશું કહેશે નહીં.

આવી રીતે થયો ભાંડાફોડ

પણ જ્યારે બાળકી ઘરે પહોંચી તો તેના શરીરમાં લોહીના ડાઘા હતા. જ્યારે તેના પરિવારે આ ઘટના વિશે જાણ્યું તો તેમણે પોલીસ સ્ટેશનમાં ફરિયાદ નોંધાવી હતી.

પોલીસે આરોપી ઈમામની ધરપકડ કરી
આપને જણાવી દઈએ કે, મૈનપુરી પોલીસે આરોપી ઈમામની ધરપકડ કરી લીધી છે. તો વળી બાળકીની સારવાર અને મેડિકલ તપાસ માટે હોસ્પિટલમાં મોકલી દેવામા આવી છે. આ પ્રકારનું શરમજનક કૃત્ય મૈનપુરીના કિસની સ્ટેશન હદ વિસ્તારના એક ગામડાની છે. 

ભણવા માટે મસ્જિદમાં જતી હતી માસૂમ

જણાવી દઈએ કે, 52 વર્ષિય આરોપી ઈમામ જમાલ અહમદ છેલ્લા 10 વર્ષથી મસ્જિદનો પ્રભારી હતો અને અહીં બાળકોને ભણાવતો હતો. પીડિત બાળકી પણ મસ્જિદમાં ભણવા માટે જતી હતી.

પીડિતાએ જણાવી આપવીતી

અહીં ઉલ્લેખનીય છે કે, પીડિત બાળકી સાંજે ચાર કલાકે દરરોજ ઘરે પાછી આવી જતી હતી, પણ બુધવારે તે ઘરે મોડી આવી હતી. તેના કપડા પર લોહીના ડાઘા હતા અને જ્યારે તેની માતાએ તેને આ અંગે પુછ્યું તો, તેણે આખી ઘટના જણાવી દીધી.

પોલીસે આ અંગે જણાવ્યું હતું કે, આરોપી ઈમામની ધરપકડ કરી લેવામાં આવી છે અને આ મામલાની તપાસ ચાલું થઈ ગઈ છે. આરોપી સાથે પુછપરછ કરવામાં આવી રહી છે.