યોગદાન / ભાજપનું સૌથી મોટું સપનું પૂર્ણ થઈ રહ્યું છે ત્યારે વિશ્વની સૌથી મોટી ખેડૂતોની સંસ્થાએ કર્યુ આટલા કરોડનું દાન

• ભાજપનું મુખ્ય સ્વપ્ન રહ્યું છે રામ મંદિર નિર્માણ 
• IFFCO વિશ્વની સૌથી મોટી સહકારી સંસ્થા
• IFFCO ખેડૂતો માટે કામગીરી કરતી મોટી સંસ્થા 

મહત્વનું છે વર્લ્ડ કોઓપરેટિવ મોનિટર દ્વારા IFFCO નેવિશ્વની 300 મોટી સહકારી સંસ્થાઓમાં સમગ્ર દુનિયામાં પ્રથમ ક્રમ આપવામાં આવ્યો છે. જે સમગ્ર દેશ માટે ગૌરવની વાત છે. કોપરેટિવ સહકારી મંડળીઓ દ્વારા દેશના જીડીપીમાં ફાળો આપવાના આધારે IFFCO ને આ સ્થાન આપવામાં આવ્યું છે, અને હવે IFFCO એ જ ભાજપના તરુણાવસ્થાના સ્વપ્ન સમાન એવા રામ મંદિરના નિર્માણ માટે 2.51 કરોડ રૂપિયાનું દાન કર્યું છે. 

રામ મંદિર નિર્માણ માટે આપ્યું દાન

IFFCOના અધ્યક્ષ બલવિન્દરસિંહ નાકાઇ, IFFCOના ઉપાધ્યક્ષ દિલીપભાઇ સંઘાણી, મેનેજિંગ ડિરેક્ટર ઉદયશંકર અવસ્થી, નંબર મેનેજિંગ ડિરેક્ટર રાકેશ કપૂર, ડાયરેક્ટર આરપી સિંઘ અને માર્કેટિંગ ડિરેક્ટર યોગેન્દ્ર કુમારે ઇફકો બોર્ડ વતી એક ચેક આપ્યા હતા. શ્રી રામ જન્મભૂમિ તીર્થ ક્ષેત્ર ટ્રસ્ટને 2 કરોડ 51 લાખનો ચેક ભેટ આપ્યો હતો. મહત્વનું છે કે  ગયા વર્ષે, IFFCO એ કોવિડ રોગચાળા સામે લડવા માટે પીએમ કેયર્સ ફંડમાં 25 કરોડનું યોગદાન આપ્યું હતું.

IFFCO donates Rs 2.51 crore for Ram temple construction at Ayodhya

Read @ANI Story | https://t.co/Jy3MZDPgvt pic.twitter.com/2JFwMWQiXB

— ANI Digital (@ani_digital) February 17, 2021

IFFCO દુનિયાની સૌથી મોટી ખેડૂતોની કોપરેટિવ સંસ્થા છે 

ભારતમાં IFFCO નું મોટું યોગદાન છે, IFFCO એ દેશભરમાં એક કરોડથી વધુ લીમડાના ઝાડ વાવેતર કર્યા છે અને ખેડૂતો પાસેથી લીંબોળી પણ સૌથી વધુ ભાવે એટલે કે 15 રૂપિયા પ્રતિ કિલો પર ખરીદી રહ્યા છે. કે IFFCO એ ભારતભરમાં ઘણા શૈક્ષણિક કાર્યક્રમો અને પ્રવૃત્તિઓનું આયોજન કરી રહ્યું છે જેથી ખેડૂતોને શિક્ષણ મળે અને તેમના જીવનધોરણમાં સુધારો થાય.
આ સાથે જ IFFCO એ કોવિડ રોગચાળા દરમિયાન IFFCO ફાઇટ કારોના - બ્રેક ધ ચેન નામનું એક વિશેષ અભિયાન પણ શરૂ કર્યું હતું. તેમજ શિયાળા દરમિયાન ગરીબોમાં ધાબળાનું વિતરણ કરાયું હતું.

નોંધનીય છે કે IFFCO ને ભારતની ટોચની ખેડૂતો માટેની સહકારી સંસ્થા તરીકે ગણવામાં આવે છે અને છેલ્લા કેટલાક સમયથી ભાજપના વડપણ હેઠળની પીએમ મોદીની સરકાર અને ખેડૂતો વચ્ચે નવા કૃષિ કાયદાઓ મુદ્દે વિવાદ વકર્યો પણ છે અને લંબાતો પણ જઈ રહ્યો છે, આવા સમયમાં ખેડૂતોની સૌથી મોટી સંસ્થા દ્વારા ભાજપના જે એક મુખ્ય સપના સમાન રામ મંદિરના નિર્માણ માટે કરોડો રૂપિયાનું દાન આપવું તે મહત્વનું છે.

શું શું કરે છે IFFCO ?

IFFCO મુખ્યત્વે ખેતી માટે કામ કરે છે અને ખાતર બનાવે છે, અને આ સિવાય ખેડૂતોના સર્વાંગીણ વિકાસ માટે ચારા પુરવઠો, પશુરોગની તપાસ અને દુષ્કાળગ્રસ્ત વિસ્તારોમાં દવાઓનું વિતરણ, આરોગ્ય શિબિરો, શુદ્ધ પીવાના પાણીની સુવિધા, જળાશય વિકાસ અને ખેડૂતોના બાળકોને શાળાના શિક્ષણ માટે આર્થિક સહાય જેવા કામો પણ કરે છે, IFFCO પણ ગ્રામીણ સમુદાયોની કળા અને સંસ્કૃતિના જાળવણી અને પ્રમોશનમાં નોંધપાત્ર યોગદાન આપી રહ્યું છે.

IFFCOદ્વારા મુખ્યત્વે ગ્રામીણ વિસ્તારોમાં યુવાનો માટે રોજગારની તકોનું પણ આયોજન કરવામાં આવ્યું છે. ફ્રેન્ચાઇઝી બનાવીને અને કૃષિ કેન્દ્રો ખોલીને યુવાનોને રોજગારી મળે તે દિશામાં કામગીરી કરવામાં આવે છે. આ સિવાય ગામડાંની કળાના સંવર્ધન માટેની પ્રવૃત્તિઓ પણ IFFCO દ્વારા કરવામાં આવે છે.