નિર્ણય / દ્વારકા દેવ દર્શને જવાના હોવ તો ખાસ વાંચી લો! આજે પણ બંધ છે આ સુવિધા

• GMB દ્વારા મોટો નિર્ણય: ઓખા બેટ દ્વારકા વચ્ચે ચાલતી બોટ સર્વિસ બંધ 
• ખરાબ હવામાન અને દરિયામાં કરંટને પગલે લેવાયો નિર્ણય 
• દ્વારકા જિલ્લામાં વરસાદના વિરામ બાદ પણ દરિયામાં ભારે કરંટ  

રાજ્યભરમાં સતત વરસાદને કારણે ભારે તારાજી સર્જાઇ છે. આ તરફ હવે ઓખા બેટ દ્વારકા વચ્ચે ચાલતી બોટ સર્વિસને લઈ મોટા સમાચાર સામે આવ્યા છે. ખરાબ હવામાન અને દરિયામાં કરંટને પગલે ઓખા બેટ દ્વારકા વચ્ચે ચાલતી બોટ સર્વિસ બંધ કરવાનો નિર્ણય લેવામાં આવ્યો છે. દ્વારકા જિલ્લામાં વરસાદના વિરામ બાદ પણ દરિયામાં ભારે કરંટ જોવા મળતા યાત્રીકોની સલામાતીને ધ્યાનમાં રાખી આ નિર્ણય  લેવાયો છે. 

દ્વારકા જિલ્લામાં વરસાદના વિરામ બાદ પણ દરિયામાં ભારે કરંટ  

દ્વારકામાં ભારે વરસાદે થોડો વિરામ લીધા બાદ પણ દરિયામાં ભારે કરંટ  જોવા મળી રહ્યો છે. જેને લઈ હવે ઓખા બેટ દ્વારકા વચ્ચે ચાલતી બોટ સર્વિસ બંધ રાખવાનો નિર્ણય કરાયો છે. GMB દ્વારા ખરાબ હવામાન અને દરિયામાં કરંટને પગલે યાત્રીકોની સલામાતીને ધ્યાનમાં રાખી આ નિર્ણય લેવાયો છે. 

પાવાગઢ ખાતે રોપ વે પાંચ દિવસ માટે બંધ રહેશે

પાવાગઢ મહાકાળી માતાના દર્શન કરવા જવાનો જો તમારો પ્લાન હોય તો થોભી જજો. કારણ કે પાવાગઢના દર્શનાર્થે આવતા ભક્તો માટે આ નિર્ણય ઘણો જ મહત્વનો થઇ પડશે. પાવાગઢ ખાતે રોપવે સેવા આગામી 5 દિવસ સુધી બંધ રાખવાનો નિર્ણય લેવામાં આવ્યો છે.  એન્યુઅલ મેન્ટેનન્સને કારણે 18થી 22 જુલાઇ સુધી રોપવે સેવા બંધ રાખવામાં આવશે.

સૌરાષ્ટ્રના ડેમોમાં પાણીની આવક

સૌરાષ્ટ્રમાં સતત મેઘ મહેર જોવા મળી રહી છે. મેઘમહેરના કારણે સૌરાષ્ટ્રના નદી અને ડેમોમાં નવા નીરની આવક થઇ છે... સૌરાષ્ટ્રના નાના મોટા 141 ડેમોમાં 7.2 MCFT પાણીનો વધારો થયો છે. જામકંડોરણના દૂધીવદર પાસે ફોફળ-1 ડેમ ઓવરફ્લો થવાની તૈયારીમાં છે... ભાદર-1, ભાદર-2  અને છાપરવાડી સહિતના ડેમોમાં પાણીની આવક થઇ. ભાદર-2  ડેમ પણ ઓવરફ્લો થવાની તૈયારીમાં છે. . સૌરાષ્ટ્રના નાના ચેકડોમો ઓવરફ્લો થયા છે.સૌરાષ્ટ્રમાં હાલ 11 તાલુકામાં વાવણી લાયક વરસાદ થતા ખેડૂતો ખુશખુશાલ થયા છે.