તમારા કામનું / સોનું-ચાંદી ખરીદવાનો વિચાર હોય તો જલ્દી કરો! ભાવમાં થયો છે ધરખમ ફેરફાર, જાણો આજના લેટેસ્ટ રેટ

• ભારતીય બુલિયન માર્કેટમાં સોના અને ચાંદીના ભાવમાં ઘટાડો 
• દિલ્હી બુલિયન માર્કેટમાં સોનામાં પ્રતિ 10 ગ્રામે 347 રૂપિયા ઘટયા 
• ચાંદીના ભાવમાં પણ ઘટાડો, પ્રતિકિલો  59,103 રૂપિયા પહોંચી ચાંદી 

આજે જો તમે સોનું કે ચાંદી ખરીદવા માંગો છો તો તમારા માટે સારા સમાચાર છે. ગુરુવારે ભારતીય બુલિયન માર્કેટમાં સોના અને ચાંદીના ભાવમાં ઘટાડો નોંધવામાં આવ્યો છે. જેને લઈ હવે 10 ગ્રામ સોનું સસ્તું થઈને 52,709 રૂપિયા છે. એક કિલો ચાંદીના ભાવમાં પણ ઘટાડો થયો છે અને હવે તે 59,103 રૂપિયા થઈ ગયો છે. આ જાણકારી HDFC સિક્યોરિટીઝે આ માહિતી આપી છે.

આજે શું છે સોનાનો ભાવ ?

દિલ્હી બુલિયન માર્કેટમાં ગુરુવારે સોનાનો ભાવ 347 રૂપિયા પ્રતિ 10 ગ્રામ ઘટીને 52,709 રૂપિયા પ્રતિ 10 ગ્રામ પર બંધ થયો હતો. છેલ્લા ટ્રેડિંગ સેશન દરમ્યાન દિલ્હી બુલિયન માર્કેટમાં સોનું 53,056 રૂપિયા પ્રતિ 10 ગ્રામ પર બંધ થયું હતું.

આજે ચાંદીનો ભાવ શું છે ? 

દિલ્હી બુલિયન માર્કેટમાં ચાંદીના ભાવ રૂપિયા 455ના ઘટાડા બાદ 59,103 રૂપિયા પ્રતિ કિલોગ્રામ પર બંધ થયા છે. છેલ્લા ટ્રેડિંગ સેશન દરમ્યાન દિલ્હી બુલિયન માર્કેટમાં ચાંદી 59,558 રૂપિયા પ્રતિ કિલોગ્રામ પર બંધ થઈ હતી.