તમારા કામનું / Post Officeમાં રોકાણ કર્યું હોય તો ફટાફટ 1 એપ્રિલ પહેલાં પતાવી દો આ કામ, નહીં તો થશે મોટું નુકસાન

• પોસ્ટ ઓફિસમાં રોકાણ કરનારાઓ માટે મહત્વના સમાચાર
• 1 એપ્રિલથી વ્યાજના નિયમમાં થઇ રહ્યાં છે ફેરફાર
• જલ્દીથી બચત ખાતું ખોલાવી દો નહીં તો....

વાસ્તવમાં 1 એપ્રિલથી પોસ્ટ ઓફિસ આ તમામ યોજનાઓ પર વ્યાજના નિયમમાં ફેરફાર કરવા જઈ રહી છે. જો તમે પોસ્ટ ઓફિસના નવા નિયમો અનુસાર રોકાણ નહીં કરો તો તમને માસિક, ત્રિમાસિક, અર્ધવાર્ષિક અને વાર્ષિક વ્યાજનો લાભ નહીં મળે. ત્યારે અહીં વિગતે જાણીશું 1 એપ્રિલ, 2022 થી પોસ્ટ ઓફિસ માટે બદલાતા આ નિયમો વિશે….

આ કારણોસર નહીં મળે વ્યાજ - જે લોકોએ તેમના બચત ખાતાને પોસ્ટ ઓફિસમાં MIS, SCSS અને TD સાથે લિંક કર્યા નથી. તેઓને પોસ્ટ ઓફિસ દ્વારા રોકાણ કરાયેલી રકમ પર તેમને વ્યાજ આપવામાં નહીં આવે. તેની બદલે આ વ્યાજ પોસ્ટ ઓફિસ વતી ટ્રેઝરી ખાતામાં જમા કરાવી દેવામાં આવશે.

ભારતીય પોસ્ટ ઓફિસ અનુસાર, 1 એપ્રિલથી તમામ યોજનાઓ પર મળતું વ્યાજ માત્ર રોકાણના સેવિંગ એકાઉન્ટ અથવા સ્કીમ સાથે જોડાયેલા એકાઉન્ટમાં ટ્રાન્સફર કરવામાં આવશે. આવી સ્થિતિમાં, જો તમે તમારી રોકાણ કરેલી રકમના વ્યાજ માટે હજુ સુધી જો તમે બચત ખાતું નથી ખોલાવ્યું તો તમારે તેને જલ્દીથી ખોલાવી દેવું જોઈએ.

જાણો એકાઉન્ટ કેવી રીતે લિંક કરી શકાશે?

• ખાતાધારકે SB-83 ફોર્મ સબમિટ કરવાનું રહેશે.
• આની સાથે-સાથે MIS/SCSS/TD એકાઉન્ટને પોસ્ટ ઓફિસના તમારા સેવિંગ એકાઉન્ટ સાથે લિંક કરવાનું રહેશે.
• લિંકની પ્રક્રિયા પૂર્ણ થયા બાદ MIS, SCSS, TD એકાઉન્ટની પાસબુક અને પોસ્ટ ઓફિસ બચત ખાતાની પાસબુકની ચકાસણી કરવાની રહેશે.
• કેન્સલ ચેક અથવા બેંક એકાઉન્ટ પાસબુકના પ્રથમ પાનાની ફોટોકોપીને ECS-1 ફોર્મ સાથે સબમિટ કરવાની રહેશે.
• તમારે જે એકાઉન્ટમાં વ્યાજ જમા કરાવવાનું છે તેની નકલ પણ તમારે આપવાની રહેશે.